كان يا مكان في قديم الزمان
كان فيه سندريلا في الحسا وكان اسمها سندريلا الحساوية

كانت المسكينة تخم في حوش بيت مرة ابوها وتنظف نخلهم
وفي الايام الحزينة تجلس على الصرف واحيانا عند الري وتتخيل الامير الي ينقذها من مرة ابوها الي كل يوم مشدختها بالكرب

وتمر الايام (( يعني تمشي مو تمر خلاص ))

ويسوي الامير عرس مادري حفلة عندهم ويعزم كل نسوان الديرة

وتجي سندريلا الحساوية تروح بس مرة ابوها تطقها بالعسو وتقول لها مالت عليش
انت بتروحين العرس يا وصخة انتي الحين نظفي السمادة وسوي دبس

وخليني اجي الليلة وانت مو مخلصه ترى انتفش

وراحت مرة الاب الشريرة الى الحناية مع بنتها الدبة وتحنوى وتكشخوا وحطو ديرمه

وانقهرت سندريلا وراحت تصيح في النخل وطلعت لها جعونيه ام كريدي وقالت لها ماعليش منهم انت طيبة وانا بوديش العرس
تعالي اخذي لش اسعفه
وحطيها على الحمارة وشوي وشو بيصير


نكمل الحلقة القادمة