بعدك يا نهر ما معتذر لحسين
جا يمتة الخجل يقطع لك المنبع
تجري بكل صلافة وما يعتك عيب
ومن ذاك الوكت وبعارك مكبع
اتمنة الخريطة اتخالف التاريخ
ونخلي ابدالك دم طفل يرضع
واتمنة الجروف اتعوفك من اسمك
والطين ايتبرة منك ويطلع
خابط للابد ما كدروا ايصفوك
اسمك مو فرات اتصير مشنقع
هم تذكر الضربة وتذكر العباس
لو صرخة حسين وعبرة الرضع
(ولك) اخجل اخجل يانهر من طولك الممدود
وتعنة لحسين وبالصحن اركع
هذا ابن البدوية امشرب العطشان
والي شرب منة بيوم الحشر يشفع
ما شايف نهر يزكي ال ابو سفيان
وعن ال الرسول وصحبتة اتمنع
هو اول نهر ما يرحمة التاريخ
شما عاش بسنينة وشما تمتع
***********************
المدعي العام والقاء التهمة
***********************
شلون تجري ومايك ازرك يا فرات
وانت ذنبك مو ذنب يفطر سما
اتسابكت بالطف على حسين السهام
ومايك اول سهم في صدرة انرمة
وطاح ابو السجاد يم جرفك شهيد
بين سيفين العدا وسيف الضما
وجان مايك اشد كل السيوف
اثر على حسين حيل وألمة
السيوف اتعنت تطلب دم حسين
وهاي حاسبها الحسين مقدمة
بس بنات المصطفى يبجن اجبود
حسين حر وهاي الحرة متئلمة