بسم الله الرحمن الرحيم
اللهم صل على محمد و آل محمد و عجل فرجهم و سهل مخرجهم و العن اعدائهم

اخوي اسلام بلا مذاهب انا اول مرة اسمع محاضرة لعمر الخالد انا سمعتها للنص و تضايقت و على قد اللي سمعته راح اعلق .
1- عمرو الخالد مو اهلاً لان يتكلم عن فاطمة الزهراء سيدة نساء العالمين ، انا سمعت نص المحاضرة و لا ذكر شي ينصف شخصية فاطمة غير جم شغلة عادية باعتقادي اللي يبي يعطي محاضرة عن فاطمة الزهراء لازم يكون اهلاً لذلك مو شخص يسوي دعاية . ( اللي يسمع المحاضرة و يفهمها راح يعرف شنو اقصد بالدعاية :p)

2- الظاهر عمرو خالد ما عنده معلومات كافية عن الاسلام

3- عمرو الخالد يقول اول من اسلم السيدة خديجة و ابوبكر ؟؟؟؟ هذا كلام يديد و قال ان اصغر مسلمة فاطمة ( اوكي ماختلفنا ) و اصغر مسلم الامام علي عليه السلام (اوكي ماختلفنا ) بس ان ابو بكر اول من اسم اختلفنا و نص . ( اذا في شخص يايد كلام عمرو الخالد بان ابوبكر اول من اسلم رجاءا يجيب لي دليل )

4- عمرو الخالد بسلامته يقول سيدة نساء العالمين فاطمة بعد مريم ؟؟شنو بعد ؟؟؟ رجاءا نبي توضيح
5- عمرو الخالد يتكلم و يناقض كلامة
6- عمرو الخالد سال سؤال قال ليش فاطمة سيدة نساء العالمين و ردو الحضور و قالو هذي الاسباب :
الف ) لانها كانت تعاني
ب ) ماتت امها و عاشت مع ابوها
ت ) هاجر ابوها خلاها بروحها و بعدين راحت وراه
ث ) عاشت فقيرة صبرت
ج ) الحمدلله وحدة عندها عقل ردت و قالت لصبرها و شدة ايمانها
انااعتقد بهالردود بس الرد الاخير مقنع و الباقي مو دليل على عظمة الزهراء الزهراء عظمتها مو بهالاشياء و بس و العتب مو على الحضور على اللي قاعد يعطي المحاضرة .
د ) قال كلام مو بالعقل نهائيا ( ان فاطمة الزهراء اهي الوحيدة اللي عاشت تفاصيل الاسلام بالكامل اهي مع ابوبكر ) قاااال اهي مع ابوبكر عاشت التفاصيل بالكامل و قال ان الامام علي ما عاشها بالكامل لان علي مش ملاصق عندهم( ماشاء الله على عقلك يا عمرو الخالد لو اييب ولد خالتي اللي عمرة 7 سنوات صدقني يسوي معاه مناظرة و يغلبه )
دام ابوبكر اهو اللي ملاصق ليش ما نام بدال النبي الليلة بقوا يقتلونه - ليش سمح لعمر يروح لباب دار الزهراء - ليش اخذ فدك بسلامته و ليش و .......... لباجر و ليش

مع الاسف كان في بالي ان عمرو الخالد اوكي بس الحين انا سمعت بنفسي و تاكدت ان اي شي انا متاكدة ان اخواني راح يعطونك رد احسن من جذي بوايد و اعتقد الدعاية اللي كنت اقصدها واضحة
هذا شكله كان يبي يتكلم عن ابوبكر مو فاطمة يمكن يطرح موضوع سوء الظن بس طريقة تعبير عمروالخالد تثبت هالشي
أستغفر الله ربي و أتوب اليه
على العموم الحمدلله و الشكر على نعمة العقل
و كل انسان يحكم بعقلة و بعدين اول مرة اشوف موقع اسلامي و فيه داعية على قولتهم شكو فيه اغاني ؟؟؟؟؟؟؟؟؟؟؟
هذا عمرو الخالد نظام مرا لقلبي و مرة لربي ؟؟؟؟؟

على العموم الله يهدي الجميع

تحياتي
مريم