خارطة العراق اصبحت تابوت
ملفوف بعلم.والعرب موته
وكبور المدن ماضلت ابيوت
اوجناز الوطن شيع ابيوته
ضمير العرب ميت كاطع الصوت
هم سامع ابميت طلع صوته
بمريكه هبل من طين منحوت
وعالكعبه انصب يعلن دعوته
وينك ياعلي والنبي المبخوت
وتهدم هبل مابين اخوته
.................
شعب يصنع بديه تمثال طاغوت
يسجدله ويضل يدعي بسكوته
وشعب لبنان ضحه من اجل بيروت
فات اعله اليهود شلون فوته
من ارضه البهودي طلع مشحوت
وحزب الله انتصر ايمانه قوته
وروح القدس ينعه كلبه مفتوت
لآن شاف العرب تتمنه موته
..............
وينك ياعلي ذا النون بالحوت
وفرعون اعله موسى حط بلوته
ونوح بلا سفينه اينوح بسكوت
ويونس ذبته بالبير اخوته
وعيسى اعله الصليب امواجه الموت
وطه عكروا صفوت خلوته
وينك ياامام العصر مبخوت
وصل حد الكفر قمة ذروته

خادمكم
الحركاني