ما عندي دمع يا صدر ابجي عيون
واذا الطم عليك اضلوعي تتكسر
لان مكسور انه بفكدك ومجروح
جرح كلما اشوفن صعب يتضبر
لااندل مكانه ولاتشوفه العين
صاحبني عمر وبضامري اضمر
ويالمني الجرح بس اعتقد ولله
يهده شما اصلي بجمعتك وحضر
نصبولك عزه وكالو صدركم مات
وهذا اليوم كالو فارغ المبر
تدري شصار بالشيعه شحصل مولاي
حين الناعي جاهه بموتتك وخبر
اشوف الناس حطت طين فوك الراس
وكل واحد تعنه وجدمه يتعثر
وغيرنه الجفن مو ابيض اسود صار
والاذان لجلك اذن وكبر
طبيعي الغيم ابيض يالسمه ينشاف
مدري شلون ذاك اليوم صار احمر
وضل يمطر دمع فيض خدود الكاع
وبتشيع نعشك راد يصدر
وفضل سوت علينه دموع يابو دموع
ودمع صاحب فضل ياسيدي واثر
تابوتك سفينه وما تشيله جتوف
عله روج الدمع سار النعش وبحر

الاخوه الاعزاء هذه مشاركتي الاولى ارجو ان تروق لكم
وان تقبلوني صديقا في هذا المنتدى المبارك
اخوكم
غزوان العتابي