السلام عليكم
الاخو والخوات عضم الله اجورنا بمصاب سيد الشهداء ابي عبد الله الحسين
صلوات الله عليه
ام تفقد ولدها الرضيع بهكذا مصاب مؤلم ماذا تقول

مصاب الرضيع
يبني.......يانظر عيناي
يبني......درن ثداياي

عبد الله يالمطروح
بالسهم يالمذبوح

يبني...درن ثداياي
.................
علي در الحليب وهاجت الامي
واني ادري جبدتك يابسه وضامي
ناري بكلبي تسعر وانته جدامي
سهم صابك حبيبي شتت احلامي
اشوفك نايم وساكن عله اجدامي
الجمك من اندهك منحرك دامي

دامي ...منحرك دامي
ضامي ...يالنمت ضامي

ومني سلبت الروح
بالسهم يالمذبوح

يبني درن ثيداياي
.............
اشوف الدم يسيل وجني ماشوفه
رضيع ومنذبح ماتوكف انزوفه
روحي اتلوب اندهه ابني لو اعوفه
وناري بالكلب ودموعي مذروفه
اون اعليك يبني وكلبي من خوفه
يحايل روحي لنهه ليك ملهوفه

وني ...مافتر وني
عني....يالرحت عني

ومن بين اديه تروح
بالسهم يالمذبوح

يبني درن ثداياي
..............
صعب يمه اشوفن ذابله شفافك
عساني ما اعيشن عمري بخلافك
يهد حته الجبل حالك لون شافك
بريئ بياذنب تتغير اوصافك
بسهم مذبوح يبني وساكنه اطرافك
ودم نحرك يصب ومخضب اكتافك

مكطوع ...منحرك مكطوع
مصروع ...بالسهم مصروع

ومك تون وتنوح
بالسهم يالمذبوح

يبني درن ثداياي
................
المهد خالي يعبدالله ولوليك
وسمع صوتك ايناغي وناغيلك
من يوم الصرت لليوم اباريلك
شده فكري مصابك يبني شحجيلك
اشوفك منذبح جدامي وبجيلك
وكضي الليل انوح امساهره اشكيلك

ليلي ....مانمت ليلي
حيلي....منهدم حيلي

حملت كلبي اجروح
بالسهم يالمذبوح

يبني درن ثداياي
.............
بهجير الصيف نايم ضنوت اسنيني
عله الرمله وعوفه دمعتي ابعيني
تشب نار الالم بحشايه تجويني
شلون الموت حايل بينك وبيني
الك اشكي مصابي يبني شكيني
وحق عيناك ابد مابطل اونيني

وضعي ....مختلف وضعي
دمعي ....دم يصب دمعي

فوك الوجن مسفوح
بالسهم يالمذبوح

يبني درن ثداياي


نسالكم الدعاء
خادمكم
الحركاني