___ i-mate JAM ___

بكاميرا مدمجه وحجم صغير مقارنة بالآيميت العادي ,,,
يطلع لنا هالموديل الجديد من عائلة الآيميت ,,,
آيميت جــام ,,,



وبنظام تشغيل مايكروسوفت ويندوز موبايل 2003 ومعالج انتل بلوفيرد سرعته 416 ميقاهيرتز

واتوقع انه بيدخل السوق بقوه وخصوصا انه كثيرين من اللي كانوا معجبين في الآيميت كخدمات ومواصفات
لكنهم كارهين حجمه
بيحبون الآيميت جام هذا لان حجمه صغير ومناسب
ومواصفاته حلوه وبيئته التشغيلية مشابهه كثير لبيئة الآيميت العادي ,,,


الذاكرة Memory ...
من ناحية الذاكرة يوفر الآيميت جام 64 ميقابايت كذاكرة تخزينية ثابته ROM ,,,
و 64 ميقابايت كذاكرة RAM من نوع SDRAM وهي من افضل تقنية الرامات في السوق ,,,


وسائل الإتصال مع الأجهزه الأخرى ...
كالعاده بلوتوث وانفراريد للربط مع اجهزه اخرى ,,,

برامج إضافيه ...
يتميز الجام بمجموعة برامج تجي معه واغلبها متعودين عليها في الآيميت العادي ,,,
الا ان بعضها جديد مثل ,,,
NEW Camera Capture Utilities
MIDI Ringtones Composer

هذا غير توفير احدث نسخه من البرامج الكثيره حقت الآيميت مثل ,,,
xBackUp
SIM Manager
MMS Composer
etc.


نظرة تقنية ....
الجديد في الآيميت جام من الناحية التقنية هو استخدام تقنية جديدة للسبيكر وقت استقبال المكالمات
وهالتقنية كان الهدف منها انهم يتغلبون على كثير من النواقص اللي كانت تواجه السبيكر في الآيميت القديم
(ابسط ياضفدع كامل هذا السبيكر وزبطوه لك وش تبي بعد )

هذا غير منفذ للــ USB متوفر في الآيميت جام ويسمونه Mini USB بس ماذكروا شئ عن استخداماته ,,,


الحجم والشكل الخارجي .....
من افضل مميزات الآيميت جام طبعا هو حجمه المعقول جداً مقارنة بخدماته ,,,
وهالشئ ممكن يصنع له مكان في السوق جنب الآيميت الأب
فلو نشوفه بنلقى طوله 10.8 سنتيمتر (اقصر بسنتيمتر وشوي عن الآيميت العادي)
وعرضه 5.8 سنتيمتر (اقل بسنتيمتر وشوي عن الآيميت العادي)
اما من ناحية السماكة فهي نفسها 1.8 سنتيمتر ,,,,



وضعه في السوق .....!!
لسعر بـــ 2650 ريال
مثل ماقلت قبل اتوقع انه بيكون له سوق طيب
وخصوصا انه يغطي احتياج شريحه كبيره من الناس اللي ودهم يمتلكون جهاز يوفر لهم خدمات اضافيه
وهو البوكيت بي سي بطبيعة الحال هذا غير انه يكون جوال بنفس الوقت
وانه يكون حجمه مناسب وسعره مناسب وخدماته حلوه ,,,
وهذي كلها متوفره بالآيميت جام ,,,

نتمنى نشوفه في السوق السعودي او حتى الخليجي قريباً ان شاء الله ,,,
والبركة في جايتكس دبي 2004 ,,,


تحياتي للجميع.