اليوم للطف حضر حيدر وي زين العابدين
يدفن الانصار صرعه ويدفن بأيده الحسين
..................................
حضر للطف ابو اليمه وشاهد ابعينه الغيور
موذره الانصار صرعه امخضبه ابدم النحور
طفح صبر الغيض منه وهلت اعيونه الصبور
لملم الاجساد بيده وينحب ابصوته الحنين
......................................
حفر للانصار حفره بيده ودموعه تسيل
نزل الاجساد كله يبني بيهه يالعليل
ودفن عريس الهواشم ونتحب حامي الدخيل
شاف حنت العرس دمه وزفته مأتم حزين
...............................
وي علي السجاد حيدر من تعنه المشرعه
شاف عباس الكفيل اجفوف جوده مكطعه
انحنه وقبل اجفوفه وغسلاه ابمدمعه
جفنه بدم الشهاده بالدمع تهمل العين
..............................
يم الاكبر وكف ينحب هالدهر ما انصفه
شاب بوصافه تميز صوره من المصطفه
بياذنب ينذبح بالطف ونوره بالمصرع طفه
ذكر لمن دفن بيده حيدره طه الامين
...............................
ومن وصل لحسين حيدر شافه سابح بالدمه
اموذر ومكطوع راسه شلون راح ايلملمه
والطفل عبدالله يمه ذابحه سهم الضمه
احتار ياهو ايدفنه الاول هاجت الام السنين
.....................................
بيده لملم جسد دامي وقبله من الصدر
وعالنحر وسد رضيعه وقبل ميسد القبر
جاب خنصر كف يمينه السليوه اهل الغدر
وهال فوكه تراب حزنه وراح امير المؤمنين
....................................
رد علي السجاد ظهره محني من كثر الحزن
وكف يم زينب الحره ودمعته فوك الوجن
كلهه عمه جدي حيدر حضر وياي الدفن
وعدت من طف المصيبه وهو الي جان المعين
...........................
نسالكم الدعاء
الحركاني