دموع زينب
وينك يكافل خدري ريتك ابحالي تدري
سلبوني ياعباس عذبوني ياعباس
ــــــــــــ
انة زينب يبو فاظل انادي اعليك بالمدمع
اهومي وعثر ابهمي اظنك صوتي ماتسمع
يبو الغيرة ولوني اعداك تقبل خوية اتروع
انوح ودمعتي ابخدي ابجمر دمعاتي اتلسع
جيتك ابروحي اشري يابعدعينيوعمري
لن سبوني ياعباس عذبوني ياعباس
ــــــــــ
خلافك ياكمر دنياي ظلمة دنيتي ابعيني
شلون بلاخدر ظليت العدة ياوسفة تسبيني
محتارة ابحرم ويتام اريد اللي يواسيني
اخوتي اذبحو بالطف الدهر بهمومة جاسيني

اخنك العبرة ابصدري وكتم الونة ابصبري
هذا لوني ياعباس عذبوني ياعباس

ـــــــــــ

عكبك ما بكتلي خيام ابفيض ادموعي استر
ولوذابصبري من الظيم كل ساع ابذبيح اعثر
اصد هنا طفل مذبوح اضد جسام والاكبر
صرعةوظل اخوي حسين ينزف بالدمة المنحر

مذبوح اصد ابكتري ومحتارة روحي بأمري
غربوني يتعباس عذبوني ياعباس

غريبة وفاكدة الوليان يبو فاظل عكب عينك
اخم اعليك بالميدان يانبض الكلب وينك
صدك عالمشرعة مذبوح صدك متكطعة جفينك
شلون ومن يرد بيه وعهد مابيني أوبينك
بالظعن ياهو اليسري ومن ارد شنطي عذري
جاوبوني ياعباس عذبوني ياعباس

ــــــــــــ
بوداعك حرت عباس ونت امكطعة اجفوفك
لو بيدي اموت وياك وعوفن روحي ماعوفك
وريت اعيوني معميات لنهه اموذرة اتشوفك

ماوفي لون افديك عمري طيب معروفك
اذاني عكبك دهري زيد ونيني وقهري
لوعوني ياعباس عذبوني ياعباس

نسالكم الدعاء
الحركاني