احتارت الوادم بامر هذا الجنين = وعجبه اصبح للخلايق مولده
كل امام الينزل يلبي اللاه = ويسجد ويستغفر الله ويحمده
بس ابو فاضل صرخ ها ياحسين = وشال ايده اوحد الله بساعده
ليش شايل ايده لو تعرف عليش = وليش ربك بالمكارم ايده
جفه منذور ابطن ام البنين = للحسين وللعقيده الراشده
وزنده ملتف عله جوده وما يزال = زنده فوك الجود حطه وسانده
ولو تريد اثبات انطيك الدليل = اكصد الشباجه هزه وناشده
وكله يلعباس عطشانك اجيت = وكله كوم وما اريد مراشده
وكون تذكر يمه زينب شي اكيد = يفطر الكبه ويجيك بموعده
هذا ابو فاضل ابو حمول الثكال = هذا للكلفات حيدر راصده
هذا سيف حسين نبراس الوفاء = هذا عين الزهره جف محمده
هذا هوه الخله بالطف عل جموع =الجنه والنار بقضائه موحده
هذا صحوت فكر حر ابن الرياح = وصار عابس صار جون عله العده
والكرامه البيه فوك من الشعور = ويا شعور ايجيب صوره المشهده
اخنث الجود وترس جفه الكريم = وهجس ميت النهر جانت بارده
ذبح روحه وكاده الحضن الحسين = وضلت بحضنه وبقت يم مرقده








الشاعر الحسيني

كاميران عبد عداي