بأبي أنت وأمي ياشهيد الثقلين
هكذا الأحرار تحيا لاتقل مات الحسين
ـــــــــــــــــــــــــــــــــــ
خلي تورم حيل خلي
وخلي ندميها الصدور
وخل تكول الدنيا كلها
منهم اختل الشعور
حيل الطم عالشهيد
وخلي هالليله نزور
هذا عاشور الحزن
حتى لو يبقى قرن
شيعه ونحب الحسين
أنت فينا ياحسين
لاتقل مات الحسين
ـــــــــــــــــــــــــــ
في إعتقادي ويقيني
وشهادات السماء
سيد الكونين حتما
وشهيد الشهداء
سيدي إنهض رجوتك
سيدي عم البلاء
هذا جدك هاليصيح
ديننا أصبح جريح
كوم إنهض ياحسين
من لنا بعد الحسين
لاتقل مات الحسين
ــــــــــــــــــــــــــ
غيرتك ونته جريح
بيوم صالو عالخيم
من سمعت إختك تنادي
خويه صيواني إنهدم
شالتك غيرة هواشم
ونتخت بيك القيم
أنظر لحال الإمام
ياموالي ولاتنام
وغيرتك مثل الحسين
خلها تكبر بالحسين
لاتقل مات الحسين
ــــــــــــــــــــــــ
بالطفوف هواي تلكه
مظرب أمثال وأساس
مثل للخوه الصحيحه
وإحنه نلمسها التماس
طوع الماي إعلا إيده
وماشرب منه يناس
إتذكر بزينب وحيده
وذكر حمايه وعضيده
هاي آداب الحسين
قف تأدب بالحسين
لاتقل مات الحسين
ـــــــــــــــــــــــ
وذاك موقف للرضيع
بنحره وبدمه الجره
الكون هزه وجيش أميه
وموقفك متغيره
إنته سيف الله الهمام
والله كلبك صبره
راح متعني الشديده
من أجل دين وعقيده
إتأملو صبر الحسين
ليتنا مثل الحسين
لاتقل مات الحسين
ــــــــــــــــــــــ
جان يتمنه الشهاده
خاطب النبل خذيني
فاستقامة دين جدي
هكذا نادى الحسين
لاتتم الا بموتي
ياسيوفا قطعيني
أبد ماهاب المنيه
هذا شبل الهاشميه
إن ذكرا للحسين
سوف يبقى ياحسين
لاتقل مات الحسين
ــــــــــــــــــــــــــــــ
أرجو إبداء الرأي فيها مع تحياتي للآخوان سندس وحنين وللجميع ممن تقدم بنقد المقطع الاول مع خدمتي لكافة رواد هذه الزاويه / الشاعر
حليم السيد حافظ