صباحكم ورد ..

.
.

الأحبة هنا كثر ..
لهم فيّ الكثير .. عدا النسيان وكل شيء أسود ..
.
.


( قدم ) توقـَف .. وتكسر هـ المسافة ( عين ) ..

. وأنا .. ما بين عيني والقدم ( غافي )

أنادي خطوتي ..: ياااا خطوتي ( تكفين ) ..

نعس كل ( الرّجا ) .. مير انفض ( لحافي )

تجي ( يالله ) / و (يالله) تستفز ( بعدين )

وهـ ( البعدين ) تكثر .. تثقل أكتافي

كثر ما ( شين ) بي يصغر .. كبر بي ( زين ) ..

كثر ما قد خفى ( ظاهر ) .. ظهر ( خافي )

أسج بـ ( ع أمل ظامي .. صبر عاري .. بخت حافي

أصب من المسا ( ليلة ) .. على ( صبحين )

يضيع الأوّل .. الثّاني ، هَمَس : ( كاااافي )!

أشب من السّهر ( لوحة ) وسط ( جفنين )

يرمّد ( لونها ) .. كون الجمر ( وافي )

أحب من النسا ( بنت ٍ ) .. لها ( قلبين )

( هِنا ) واحد و ( ثاااااني ) يعشق أوصافي

أغيب .. وتشرق بـ (فرحة) .. تشع ( أهلين )

. أضج بـ ( نووووور ) .. دام إن الزعل ( طافي )

ألمّ الغيم .. بـ أحضاني أضمّه ..( لييييين

يذوب الثلج ) .. ويتناثر ( مطر دافي )

يبلل يابس وعودي .. يغيظ ( البين )

يغنّي ( بيدري ) .. تتراقص ( أريافي )

أخلّي النسمة محتارة ( أمرّ منييييين ؟! )

أجاوبها : تعااااالي .. بيتك ( أطرافي ) ..

لك المشرق على المغرب ( سلام ايدين )

جنوبك مع شمالك .. ( يحضن أطيافي ) ..

أعَرْف الحب ( هدية ) بس الأثمن ( دين )

لجل يبقى ( زلاااال ) ومنبعه ( صافي )

وأنا اللي مفني ٍ ( كلّي ) مـَ بين وبين ..

غلا ( مُثبت ) .. و شوق ٍ للوصل ( نافي )

تعبت ( آوحّد ) أشيائي بـ ضرب ( اثنين )

وأثنّي ( واحدي ) باحث عن ( إنصافي) !!