كيف نقدم القهوه العربيه



مثل ما انعرف أن لكل دولة او بلاد

لها عاداتها وتقاليدها ,,واليوم بتكلم إلكم عن كيفية تقديم القهوه.,.,


والتي يضن البعض إنها في غاية السهولة مثل شربة الماي ,,,

خلنا نبدأ في صلب الموضوع ونحط الشروط اللي المفروض ان راعيها

عند شرب القهوه . ويوم بنقدم القهوة لحد من الجلوس..

أول شي المفروض اللي يقوم (ويغنم) يقدم القهوة هو اصغر الجالسين

وان كان ابوك او كبير العائله موجود في الجلسة المفروض تبدأ به حتى

لو انه جالس في شمال المجلس وفي هذي الحاله أبوك اللي بيوجهك من

وين تبدأ باليمين او بمن تبدأ بتقديم القهوة من الجلوس

لما تصب القهوه في الفجنان لازم تراعي إن يكون مقدار القهوه بنص


الفنجان وبمقدار محسوب لأنك لو نقصت عن النص معناتك تنقص بحق

الرجل وبعد لو زدت معناتك تعطنه في شرفه او عزته مثل ما يقولون

وعلى اللي يشرب القهوه ما يشرب فنجان واحد فقط لأن بهذي الطريقه

يعيب اهل البيت ..وعلى اللي يقدم القهوه ما يتحرك من مكانه لين ما يكتفي

الجالس من شرب القهوه .وفي حالة انه اكتفى من شرب القهوه هو بيهز لك

الفنجان عده هزات متتاليه ومعناته يأذنك بالتحرك من أمامه أو انه انتهى من

شرب القهوه..واللي يغنم( يقدم) المفروض يقبض الدله بيده اليسار والفنجان بيده
اليمين لأنه بيقدم بها..وعلى اللي جالس لا يزيد عن 5-6 فناجين وان زاد بيجيك

راعي المجلس ويبقول شو في خاطرك ولا آمر؟؟

معناته اللي يزيد في شرب القهوه عن 3 فناجين جاي يطلب شي أو يريد معونه..




واللي اعرفه عن الدول العربية عند تقديم القهوه يقدم معها كوب ماي

وفي حالة انك شربت القهوه ما يحق لك انك تشرب بعدها الماي

لأنك بهذي الطريقة تعيب اهل البيت وإذا بغيت تشرب اشرب الماي قبل القهوه..


ان شاء الله وفيت في الموضوع واللي عنده أضافه على الموضوع يتفضل ...