اللهم صلي على محمد وآل محمد

شكراً لك يا أخ صادق جعفر جزاك الله كل خير..
يلا يا شباب شدو حيلكم للأعمال المطبخية..
ترى راح يجي يوم تحتاجون كل كلمة كتبها اخوكم صادق

تحياتي
أختكم:على ضفاف دجله

اللهم صلى على محمد وآل محمد
حبيبتي همسه بعطيج وصفه عجييبه اهلي يموتون عليها و سهله و بسيطه بنفس بعد بس يبيلها وقت على ماتحضرينها .

تشيز كيك بس مع سنيكرز
الطبقه الأولى :
2 بسكوت دايجستف 100 جم اللي لونه احمر
1 قالب زبدة 113 جم

الطبقة الثانية :
2 قيمر 170جم
2 كيس كريمة باودر (اسمها دريم ويب )
2/1 كوب حليب

الطبقة الثالثة :
6 ككاو سنيكرز الحجم العادي
3/1 قالب الزبده 113 جم
4/1 كوب حليب

و هذي الطريقة ياحلوين :
يطحن البسكوت و يخلط مع الزبده و يوضع في قالب دائري بس بشرط يكون القاع متحرك يعني الجزء الجانبي من القالب ينشال بعد مانخلص و طبعاً يفرد البسكوت لمن يصير متساوي بالقاع .

تخلط مقادير الطبقة الثانيه مع بعضها في الخلاط و تسكب على البسكوت و توضع في الفريز لما تجمد .

تذوب الككاو مع الزبده و الحليب في حمام مائي (يعني تاخذ جدر كبير و تحط فيه ماي و تاخذ جدر اصغر منه اللي في الككاو و تحطه بالماي لمن الماي يغلي و يذوب الككاو ) و بعدين تخليه يبرد شوي لانه راح يكون وايد حار لمن يبرد تضيفه على الطبقه الثانيه اللي بالفريزر و تخليهم بالثلاجه شوي و بعدين تاكلونه بالهنا و الشفا بس طبعاً من بعد ما ينشال الجزء الجانبي و راح يبين شكله حلو مع الطبقات .

وصفه سهله جداً و مايبيلها شي و لذيذه بنفس الوقت
و حبيبتي همسه اذا تحاتين كلام ال100 جرام و مادري شنو هذا سهل بس شوفي على القوطي مال القيمر او الزبده مكتوب الحجم راح تشوفين الحجم المطلوب جربيها و عطيني خبر
بالتوفيق

ممكن أدخل معاكم بس أنا أشوي فضولية.هههههه

مشكور أخوي صادق جعفر على الموضوع

والي عجبني طريقة صنع الماي البارد طريقة حلوة

والمشكلة أني اعرف اسوي هالأشياء أنا وايد شاطرة ههههه

ننتظر البقية..

كرا اختي مسعوده والله يجازيج الف خير..


تحياتي القلبيه