[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

جلست أشكي همومي لك يليل (ن) منطوي بأحزان
يليل (ن) ذبل جفوني وياحزن (ن) مخاويني
عيوني تنطق بشعر (ن) تعذب من ظما الوجدان
بقى في خاطري جرح (ن) يعذّب كل مافيني
صفا في خافقي ليل (ن) مضى ودارت عليه أزمان
ألا يا ليل حاجيني ترى ضاقت بي سنيني
وإذا معزم تعذبني تذكر إنني إنسان
لي محبوب (ن) يجرّحني ودمعي ذاب في عيني
مضيت عني يمحبوبي ونبضك يسري في الشريان
يذكرني بفرح ليل (ن)انولد في وسط شراييني
وشعر (ن) عايش أحوالي رفع راية باسم ( هجران )
وفز من القصيد دمع (ن) يهيض فيني ونيني
أنا ماهمني جرحي ولكن همّني النكران
في وسط الخافق ألقى اسمك يهيجني وبيكيني
أحاجيك شفيك ماتسمع ترى بعدك أبد ماهان
ولو بان الفجر باجـر أبيك بشوق تحييني
وتحيي فيني الفرحة وخافق من الدمع مليان
وتنشد لي غنا قلبك وقلبي يطير من ايديني
تأكد يا غلا الخاطر حلا اللقيا أكيد بيبان
وبيحيي في خواطرنا فرح ليل (ن) يهنيني[/poem]