[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يمكن اغيب عنكم مدة فاسمحوا لي,,,

انا والليل والكيبورد والشاشه بدون الوان

وصمتي والفراغ ورحلة المجهول والغرفه


وكنز من الهموم بتنزيل موضوع لا استبيان

واعضاء المنتدى بدخول الموضوع مايشرفه


ورحت ابحث عن انسانيتي وبداخلي انسان

وادوّرمع هالاشعار شعر جميل وطرفه


لقيت اللي رحبني بالاول بالبر والاحسان

يقول اللي تريده عندنا صرف الذهب صرفه


ولكن حط ماسنجر عشان تواصل الخلان

ودش الشات واللي تبي اتكلمه وتعرفه


ترى العالم غدى قريه صغيره مابها بيبان

وكلن فوق حبله يغرد وكلن معه حرفه


وفي لحظه!!وفي عز انسجام الجرح والنسيان

تذكرت السنين الماضيه والورد والشرفه


ونسمات الغلا واسم الحبيب وكامل العنوان

وخفة دمه ومنطوقه ومعسوله وظرفه


ودورات الزمان وصرخة الاشواق والاحزان

وضربات الغدر بيدين كل ايدين محترفه


وكرهت المنتدى ومحركات البحث والالوان

وصمتي والعذاب وكثرة التفكير والغرفه


صادق جعفر
العائد الغائب من جديد[/poem]