السلام عليكم

ان شاء الله اذا رجعت زوجتي بخليها اتعلمج شلون اتسوين مجبوس اللحم

بس صبري شوي ولا يصير خاطرج الا طيب

السلام عليكم

اختي الفاضلة

اتشلم عليج ام عبد الله واتقو لج اذا بتسوين مجبوس لحم مو صعب


اول شي
تحمصين الحمصة يعني تقلين البصل لين يصير لونه بني غامق على نار هادئه
بعدين اتحطين الطماط والفلفل البارد والفلفل الحار والتابل والبهارات
على حسب الكمية الي اتريدينها
بعدين اتحطين اللحم معاه يتقلى قليل
بعدين اتحطين فيه قليل من الماي
واتخلينه يطبخ قليل
وبعدين اتحطين فيه لومي اسود االيابس
واتحطين الماي بعدين على حسب كمية العيش((الارز))

واتخلينه يطبخ الى ان يصير اللحم لين تقريبا مدة ساعة ونصف
وبعدين اتحطين العيش على حسب الكمية بحيث يكون الماي قليل بالنسبة للعيش عشان لا يصير لين

وبعدين اتخلينه ينشف الى ان يستوي


ها اختي ان شاء الله الشرح وافي وواضح

اتقول لج الحاجية اذا ما عرفتي اتسوين المجبوس هي حاضرة لج

خادمكم حب الحسين اجنني وحرمه الغالية

بس اختي انا انصحج

اذا عندج عزيمة لا اتغامرين بالتجربة

اشترو من المطعم احسن لكم او استعيني بصديقة

والتجربة بعدين

هني وعافية اختي الكريمة

السلام عليكم

المقادير :
2 كيلو لحم يسلق في ماء مضاف اليه ( 2 م ص بهارات منوعة +1 م ص كركم + بصلة صغيرة مفرومة + 4 فصوص ثوم مقطعة + 6 حبات فلفل اسود و قرنفل و عودين قرفة و4 ليمون اسود ) لما يستوي اللحم ..اضيفي الملح .. و اتركيه يغلي قليلا ثم استخرجي اللحم و احتفظي بالمرق ..

افرمي 6 فصوص ثوم + عصير نصف ليمونة + نصف ملعقة شاي من الكمون و الكزبرة والفلفل الاسود و أمسحي بها اللحم

هاتي حبتين بطاطس .. و اقطعيهم مكعبات متوسطة .. و اقليهم في سمنة أو زيت .. ثم ضعيها جانبا .. في نفس الزيت .. اقلي اللحمة و انتبهي حتى لا تحترق .. اقليها قليلا ثم ارفعيها جانبا

الآن نقوم بعمل الحشوة :
4 بصلات مفرومة .. ترفع على النار بدون زيت ... و تحرك باستمرار .. وعندما تلين و تحمر .. يضاف لها السمن أو الزيت + 3 فصوص ثوم مقطعة شرائح + كوب نخي مفلق مسلوق سابقا + كوب لوز مسلوق ومقشر سابقا + نصف ملعقة صغيرة كمون وكزبرة وفلفل اسود+ 2م ص بهارات منوعة + 1 م ص كركم + 3 م ص ليمون اسود + ملح + ماء وردأو كادي وزعفران.. اتركيها 5 دقائق على نار هادئة .. ثم اضيفي اليها البطاطس واللحمة و اتركيها 10 دقائق على النار الهادئة..

خذي 6 أكواب رز ... و حمريها في الزيت المتبقي من اللحم و البطاطس .. ثم اضيفي اليها المرق و عندما يتشرب المرق ,, ضعي على وجهه الحشوة .. ثم غطي القدر ليستوي على نار هادئة ...

وقدمي الرز مزينا بالحشوة و اللحم و البطاطس ...



منقول طبعا:p