السلام عليكم

في اثناء غيابي عن المنتدى قلت بروح السعودية بسافر من البحرين شوي

سافرت مع الهندي الى السعودية (هذي مو سفره هذي رحلة)

كنت انا اللي اقود السيارة طبعاً (مدلع الهندي بعد صاير اليه سائق)

المهم اقصد الاهم قلت بروح هناك علشان يشيل عني الاغراض اللي باخذهم

كنا على جسر السعودية بهدلوني كله من الهندي ماتسوى عليي وديته وياي

خلصنا من الجسر وانطلقنا الى بر السعودية الطويل وفي اثناء الطريق

انبط (انفجر) الإطار ------->التاير

نزلت وقلت ببدله قال الهندي لا لا لا انا يسوي بدل انت ارباب مال انا

قلت اليه ماعليه بدله بس ركبه زين لو بدبحك قال لي اوكي ارباب

المهم بدل الاطار وانطلقنا بالسيارة وفجأة حدث شيء غير متوقع ماهو ياترى






الإطار طار يعني خلس من السيارة اي قفز من السيارة وطالعت الهندي وانا منقهر عليه حدي

يعني اسويها اقتله في البر واخلي الذئاب تاكل من لحمه

يوم شاف انه خلاص بتروح عليه لان الاطار طاح من السيارة قال ارباب صبر صبر شوي

قلت اليه مافي صبر خلاص نفذ صبري

قال ارباب بس شوي صبر انا لازم اقول شي

قلت هذا يمكن ييبي يقول وصيته

قلت اليه شنو تبي تقول

قال انت مايسمع ابو هريرة شنو يقول

قلت اليه شنو يقول

قال لي يقول ابو هريرة إذا كنت في سفر والتاير طفر انت مافي يقتل نفر






من وين مطلع هالحجي مادري


ان شاء الله استمتعتون وياي في الرحلة


صادق جعفر
تحت الخدمة فقط