روح في دربك واقول الله معاك

روح في دربك واقول الله معاك
ــــــــــــــــــ صعب تفهني وأنا صعــــب أسمعك

أللتقينا بكل شي الا هــــــــواك
ــــــــــــــــــ وأتخذت أصعب قــــرار آودعــــك

الغرور اللي سكن قلبك عمــــاك
ــــــــــــــــــ تحسب أن الحب خاتم بالصبعــــك

حبي الخايف رغم خوفه حمــــاك
ــــــــــــــــــ وصدقي نزلنــــي ولكن طلعـــــــك

كنت أحسب أن الهوى كله وفاك
ــــــــــــــــــ مطمعي حبك وحبي مطمعــــــــك

كنت اشوف الغيم يركض في سماك
ــــــــــــــــــ وكنت أشوف الورد يتلاعــــب معك

كنت أشوف الشمس شمعه في ضياك
ــــــــــــــــــ ومطلع أبيات القصايد مطلعــــــــك

كنت في عيني هوى روحي ملاك
ــــــــــــــــــ صــــوّرك رب الخلايق وأبدعـــــــك

دوم تجرحني ومشيها معــــــــاك
ــــــــــــــــــ دوم تنثرني وانا دوم أجمعــــــــك

لان حبي كان أصــــدق من خطاك
ــــــــــــــــــ كنت انا أكبر من مجرد أخــــدعك

كنت أفكر كيف أنا أوصل رضاك
ــــــــــــــــــ كنت أحاول في هوايه أقنعــــــــك

لكــــــــن الأيام ورتنــــي قســــاك
ــــــــــــــــــ ماقدرت آقول كلمـــــــه تمنعــــك

أنتهى حبك وقلبــــي قد نســـــاك
ــــــــــــــــــ ياخســــــــارة عمــــري اللي دلعك

لانت من ثوبي ولاني مســــتــــواك
ــــــــــــــــــ خل هــــــذا الكون كله ينفــــــــعك