بارك الله بيك وجعلوه في ميزان حساتك

شلون بيه وثككل وزن احسابي :::ونمل مني المعاصي اكتابي
شلون بيه لو كرب مني الاجل ::::واخذ سمعي الموت ولساني انشكل
وضلت اعيوني تدير على الاهل :::ياخذ المعبود مني اجوابي

شلون بيه النفس لو مني خمد ::: ومني ملج الموت اخذ روحي وصعد
وللمغيسل طلعوا مني الجسد ::::كام المغسل يجرد اثيابي


شلون بيه ابجفن لو لفوني :::::وللكبر عكب الغسل شالوني
ونزلوني ابحفرتي وواروني :::::كام دفاني يهل اترابي


شلون بيه لو مسيت ابحفرتي :::دار غربة بس اعاين غربتي
لاعمل وياي ويرد وحشتي :::: وبعدوا عني هلي واصحابي


شلون منكر لو لفاني للكبر :::وكام ينشد بيش كضيت العمر
شنو وبذاك الوكت عندي العذر:::وشنهو عن ذيج المعاصي اجوابي


شلون بيه امن انفرد بعمالي ::: والذنوب اتصير كلها اكبالي
وادري منكر ما يروف ابحالي ::: لا بحكم الله علية احسابي


شلون بيه من اوكف ابيوم الحساب ::شايل اذنوبي وجدامي الكتاب
شنهو عذري وشنطي للباري الجواب::::من يعاتبني ويزيد اعتابي


شلون بيه امن التفت يسرة ويمين::::بيوم هولة ايشيب من عندة الجنين
المال ما ينفع ولا ينفع بنين ::::::لاندم ينفع واعض انيابي


ما يضل هندي وسيلة ولا امل :::::غير حب المرتضى خير العمل
حاشة لنة ايعوفني بذاك المحل :::ونرضخ ابواد حماة اركائب


واصد للمحشر واعاني للحسين ::::موجب اينادي شفيع المذنبين
الشيعتي اغفر ياالاه العالمين :::بجاه دم النه صار اخضابي


شريت منك شيعتي بدم ركبتي ::::حتى تغفر بالقيامة الشيعتي
شوف حالي وشوف حالة شيعتي ::::صوبني وطحت من اصوابي


الشاعر عبد الحسين الشرع التي قراها ملا باسم
تحياتي

شريت منك شيعتي بدم ركبتي ::::حتى تغفر بالقيامة الشيعتي
شوف حالي وشوف حالة شيعتي ::::صوبني وطحت من اصوابي