أحببت أن أشارك بعد طول انقطاع بهذه القصيدة الفكاهية والمضحكة التي تحاكي واقعنا المؤلم
[poem font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بوصيك يا أخوي وافهم شا قول = وذاكر دروسك ولا تصبح كسول
أول بأول واترك من يقول = الشهادة ما تفيد بهذا الزمان
الشهادة ما تجي إلا بتعب = واترك عنك السهر ويا اللعب
ما تذاكر وتقول الحل صعب؟! = شلون تفلح في الامتحان؟!
واللذي اللهو هاوي لاوي = ومضيع وقته بهالقهاوي
اترك القهوة و هالبلاوي = المعسلة والجنجفة والدخان
واللذي راكب سيارة أجار = ويستلم الشارع يمين ويسار
يفحط وما همة ها لأخطار = مذي نفسه وأهله والجيران
والذي همه سمع الأغاني = والنوافذ نازله والصوت عالي
قاعد يسرع تقول عنده فراري = شلون نعصي الله خبروني شلون! والذي ربعه شلة فاسدة = على الرباده كنهم مسنده
واحد أسود وشعره امجعده = وواحد مسوي له قصة حصان انظر المقهى وشوف هالملاعب = تشوفها مليانه وكلهم قرايب
ويلعبون كلهم وكنهم عجايز = والمساجد خالية والله عجايب
عجب شلون الزمن فينا تصرف = تركنا العبادة وهملنا المصحف
اللي يتركها الموت له أصرف = للعبادة مخلوقين أنس وجان
هالدين صرنا عنه ملتهين = ناسين الله كل يوم وكل حين
من فينا يقدر يقوم الليل = ينزه الله أو يقرأ قرآن
والأبو ولده موه عاجبه = كلماته منبوذه وماهي مهذبة
مع منهو يمشي ومن صاحبه = مايسأل إلا بعد ما فات الأوان
في الحشر مسؤول عن ذاك الولد = إذا ربيته و تركته بالمهد
الأم منشغلة والأبو في كل بلد = والولد هايت في كل مكان
هالمصايب مالها حلٍ أبد = خلت العيشه في الدنيا نكد
وأدري والله مايحلها أحد = مايحلها إلا منزل الفرقان[/poem]
ودمتم...