الى مولانا صاحب العصر والزمان((عجل الله فرجه الشريف))
ــــــــــــــــــــــــــــــــــــــــــــــــــ ـ
((صرخة محب))

غبت عنه اورحت ياسيدي والغايب يكولون وياه العذر
اوندري مو بيدك طلعتك اومن الباري تترجا الأمـــر
بس الغيبه طالت ياأمام اونفذ مولاي من عدنه الصبر


الله الله بدين جدك ياأمام حاربوه اوضعفوه اهل الكفر
والقرآن صار ديكور اورسم متروك يشكو امن الهجر
والناس اتغيرت يبن الحسن فقدوا المعروف والمنكر كثر
لابنات اولاولد عدهم حياء!تكول ابليس واحدهم قـذر
والبنات صارت اتماشي الولد عين صلفه بلاحياء اولاستر
والثقافه وصلت لحد السقوط اوترك الدين موضة هالعصر!!


اومصيبه صار حبكم سيدي واليحبكم صار اتكول جنه امن التتر
اولوبجينه مره على الحسين بزنزانه جوه الكاع صدك ننشمر
واذا شمر واحد كان بكربله كل التلزمه اليوم عن مية شمـــــر
سيدي شيعتكم جريحه اوتستغيث تبجي اويبجي وياها الصخر
اولو مو حرام الأنتحار جا خلصنه مره وحده اوننتحـــــــــر
لكن شخصك يبقى الأمل بيك الفرج وانت الأمام المنتظـــــر


اللهم صل على محمد وآل محمد

هذه مشاركه متواضعه من خادمكم جميل العامري
ليتكم مررتم بها ولكم الاجر والثواب مع الود والتحيه