اهديكم بعض من ومضاتي الشعريه
اتمنى ان تعجبكم
الشاعر ميثاق الهلالي
*************************
على وجه الشمس مخطوطة الله = ورسم وجه الكمر شايل محمد
والزهره الهوى وحيدر علي الماي= والحسنين تاه وياهم العد
والينكر اهل ذني الكرامات = ألف نعله عله ابيه لسابع الجد
*****************************
يامحمد ياحبيب الله شكول؟ = من اذكر اسمك حتى من روحي استحي
اكتب وارسم واخط اسمك نهار = واحط شمس عله وجهك تنمحي
يامحمد ماترد مو شفنه ضيم = وخل يرد وياك حيدر والوحي
شكد مناجل كلت بينه من الركاب = وصرنه حب وضعنه بحلوك الرحي
**********************************
تلكالك مره ومن تحجي بالمثقال = وتلكالك رجل مايوزن الكلمه
ويكولون المره ماتلحك الرجال = زينب هم مره بس عن الف زلمه
******************************************
مختلطه الصور ومشتت المضمون = ظلمه ودرب غربه وتاه موضوعي
هز جفني الظلام وطاح خيط النور = من شباك عيني وطاحت دموعي
كلت اشعل شمع والنار عني بعيد = بس كلت الحسين اشتعلت شموعي
*********************************
تدري ليش انرسم عالروضه صليب ؟ = والاطفال عله الوطن مذبوحه
تلعب وشافت نعش جسمه خذوه = ولفة عله اركابهه المرجوحه
****************************
ابد لاموجديده عيون بغداد = وبعد لتكلي بغداد الجديده
بس الموت بيج يعيش للموت = لذلك انتي بغداد الشهيده
*****************
صبرا ياوطن ليهمك الموت = احنه وياك حد الموت ماشين
صح طاحواأ مس اطفال عشرين = بس فدوه الك لو طاح مليون
*********
لاتحجي بزمن راح ونسيناه = سولفلي متى وشلون نرتاح
نخلة بيتنه تحمل صواريخ = ويجي وكت الكصاص وتاخذ ارواح
بحديقتنه الصبح ماتطلع ورود = شظايا تفتح وينطفي القداح
************تحياتي لكم
ميثاق الهلالي[/poem][/poem]