اشتري ولا تبيع
يركض والعشا خباز
بالوجه امراية وبالظهر سلاية
لابو علي ولامسحاتة
التبربش ولا العمى
الحجارة اللي ما تعجبك تفشخك
رجعت حليمة لعادتها القديمة
اللي خلف ما مات

ودع البزون شحمة
نارهم تاكل حطبهم
صياغة الصايغ لبنته كتلو ربعه وهو يتحزم
سبع صنايع والبخت ضايع
اتريد اتكحلها عمتهة
ياخذك للشط ويرجعك عطشان
الشبعان يثرد للجوعان احروف

فوق هندي والتحت بابنجي
المنحوس منحوس حتى لو حطوابراسة فانوس
مثل تفال السمة
ضحك خير والشر على بيت ازعير

الجريدي لو سكر .. يمشي على شوارب البزون
المعرسين اثنين والمجانين الفين
اللي ما عنده فلس ما يسوة فلس
دار السيد مامونة

جرح الگلب مثل الجام .. ما ينلچم
جزاء الاحسان بگان
جزاء سنمار
جزت من محروگ الصفحة .. ولزگت بعيني

جدي ينتقم منهم
جدر الشراكة ما يفور
الچبير چلب .. الصغير چلب ابن چلب
جبت الاگرع يونسني .. كشف راسه وخرعني

چانت عايزه.. التمت ..
بيدر الذهب هم يحتاج بيدر الدخن
جاني بنفسه ما نطيته .. دزلي شعره من لحيته چاي .. لو چوي حصان ؟
الحاجة .. للمحتاج
الحار جوه .. ياخيار
حامض شلغم ماضوگه .. لو ضربوني بطابوگه الجار قبل الدار

چو بچيني بعاشور ما ينشرب
جيب البيز .. ودي البيز .. ثاري البيز خرگه جيب الليل .. وأخذ عتابه چيسك عند أبو الطماطه
چفيان شر لملا عليوي
چلب الکواز
چلت ايدي والصفا .. والگاع ما تقبل وتد
الجمل بياره غالي .. وبألف رخيص

حتى ابن هرمه صار دفتردار
حبلت مثل جيرانها
حاميها حراميها
جزنا من العنب ونريد سلتنا

حرامي وتنباگ عباته
حدثني شختي عن بختي
حچاية .. مالها نهاية
حجارة الچبيرة .. من الجار القريب

حظه نايم بين الورد والرياحين
حضٌر المعلف .. گبل الزٌمال
حصرتني الرٌگصه
حصة الأسد

حكم نبي الله سليمان
حكم القره قوش
الحگ للسيف .. والعاجز ليدوٌر شهود
حظي بكل شي اسود بس بالرگي أبيض

الحمص والبهارات منين أجيبها ؟
حمارة القاضي .. عزيزة
الحليم .. يطلع من العواقب سليم
الحكومة حكيمة

عايشين بالصٌلوات
العاقل . . اللٌي يفكٌر بعواقب الأمور
حية البيت ما تآذي
حمينا الماي .. وطار الديچ

عداوة البزون والجريدي
عتٌابْ . . گصوا خشمه وما تاب
عبٌي بالخُرج
عباس المستعجل

عربيه زانم . . مجيده چِيا ؟
عرب وين . . وطنبورة ويـن ؟
العذر اقبح من الصوچ
عـدو عاقل خير من صـديق جـاهل

عزيمة الحصيني . . واللكـلـك
عركة ابو الفجل
عروگ شفي
العرس عدنا هنا . . مو عدهم هناك

عگب الحليب وچاي . . مالح يشربون
العصفور يزمط. . يريد يگمل
عصفور كفل زرزور . . واثنينهم طيارة
عزيمة الهدهد

عليٌ هم بَللُم
عليٌ وعلى اعدائي . . يا رب
على هامان . . يا فرعون ؟
عالموت يحسـدون

عيسى انتچل على موسـىوضاعــت الجـاموسـة
عورتن . . بلشتن
العنده فرمان يگدر يتفل بلحية السلطان
عند الضيق . . لا صاحب ولا صـديق

المجالس مدارس تعلم الأمي والدارس
اذا ردت صاحبك دوم حاسبة كل يوم
عيسـى بدينـه ومـوســى بـدينه
العين ما تنظر . . والگلب وما يهوى

الف عين لأجل عين تكرمون
القرد بعين امه غزال
امشي شهر ولاتطفر نهر
ياغريب كن اديب

مارضه بجزة رضه بجزة وخروف
الفلوس تجيب عروس
بيت الطرب ما خرب
البخيل ناكر نعمته وخادم ورثته

تنطي بيدك وتاخذ برجلك
ياجاري انت بدارك واني بداري
يا كثرة اصحابي يوم زرعي خضر
هين فلسك ولا تهين نفسك

رحم الله من زار وحفف
ايموت الزمار وايدة تلعب
من السكوتي موتي ومن الطقطوقي فوتي
كل ذخرينفع الا ذخر السوء

زمر ابنچ . . يا عجوز
زمال عانه . . طلعوا له خوال وعمام
زمال الراكبه . . ما تحسبه ؟
كثر معارفك وقلل اصحابك

زوجت بنتي من عناها راحت وجابت لي وراها
زندا بلا . . مردا بلا
زبٌالْ . . وصار طٌبالْ

سفره بخري . . مشقاب بخري
السبع لما يشيب . . تقشمره الواوية
سالفة الحية . . كلما تنحچي تطول
ساسون جر السرقايي حسقيل خلى الطلقايي

السلام يجر كلام . . والكلام يجر بطيخ
سعيدة توصٌل حميدة وحميدة توصٌل سعيدة لوجه الصبح
سر حميده
السر بالسرداب

الشايب مَا يْرُدْ صِبي
سوى بيتي حبسي
سنين نمشي بالعكس . . مايصير فد مره عدل ؟
سمٌنتكم ما كلتكم . . لحم الدجاج اطعمتكم

شرب مايهم . . وصار منهم
شرب لحميدة بفلسين
الشبعان ما يدريْ بدردِ الجوعان
شرٌبتنا شربت زبيب . . واليندب الله ما يخيب

شهدن عليك
شفناچ من فوگ وشفناچ من جَوٌه
شلع سنه وگال أريد چماله
شمع الخيط

الصبر طيب
شيگول لك الصاحب . . گول له : يَيْسْ
شيخ هادي أحوج
شيخلصهم ويحد . . ويحد

صلاة الطوبچية . . لافرض ولانية
الصخاه تعير النعجه
صحت وتجلت . . ما بقى للضيف حجه
صحبة البزون والفار

صوم ما نصوم . . سحور ما نتسحٌر ؟
الصوچ مني لو منه ؟
الصوچ صوچي . . والحرامي ما عنده صوچ ؟
صلاة عادت نى صوم طاقت نى مسلمان والحمد لله

ضاگت الطرشة الحلاوة
ضاع يا ربعي حذائي حيف ما شچخته وراي
ضاع أبتر بين بتران
صيف وشتا . . على فد سطح ؟

طگٌِ وْماتْ
طبيخنا خوش طبيخ . . يا حيف مرگتنا جزر
الضربة تطيب . . والچلمة ما تطيب
طلع مگبٌع باللحاف

طلعت الشمسية . . نتشمس لو نحطب ؟
طلع الباگلاية من حلگك
الضربة للذبانة . . مو على لحية القاضي
طلع الها تخاريص . . وردان

خسارة ؟ .. ماكو خسارة !. لو المره لو الحمارة
خجلن من جنابكم
الطيب . . غلب الطبيب
طمعه . . قتله

خلٌِِِِِِِِِِِِِِِ يموت الِحصان من أكل الشعير
خلي حلگك باذاني ... ولاتحچي
خلٌه الذيب گبال الطٌلي
خسرت كل عمرك

خياط الخليفة
خوش ماي . . يا فيصل أفندي
خل ياكلون بصاية خالهم
خليها على الله

دُگ أبو طبل . . تراها حبلة من گبل
دقة بدقة . . ولو زدنا لزاد السقا
دفع الله ما كان أعظم
دِخٌل لبيتك حرامي . . ولاتدخل بَنٌا

دَگَة حليمة الحجامة
دافنينه سوه
دَا أدوٌرْ يَمَنِِيتي
َدگَة الأستاد بألف

دوده ببطن صخره . . الله يرزقها
دنياك لوخ بلوخ
دُگ له مال حمد . . وحمود
دُگ الدٌُدُك

راح الشٌََعبان . . واِجَا الزهگان
الذبابة مو نگسة . . لكن تخبٌث الخاطر
دين كردي . . لا ينكره ولا ينطي
دَيكَحٌلها . . عماها

ردتك شاهد . . طلعت لي قَصٌة خُون
الرجل لو راد اِراده . . ما ينگِدر عليه
رايح أ جيب شهود
راس الذيب . . علٌمني

روح فهٌم الأغا
ركض ركض . . عالجنه والحور العين
الرزق ينراد له گمزه
ردنا زمال نركبه . . لو زمال يركبنا ؟



قال جابر الكاظمي في الامثال العراقية




احلى الاوقات تكضوها وية الامثال العراقية
وهسة حتبلكم الابوذية بالمثل العراقي انشاء الله تعجبكم
عساهم نارهم تاكل حطبهم
الدهر من عكب رفعتهم حطبهم .... واسهام الهظم والذل حطبهم
عساهم نارهم تاكل حطبهم .... جفوني وما رعوا حك الخوية
شهر الما الك بيه خبزة خله
سرّك بالكلب يا صاح خله .... لون يضهر تصير عليك خله
شهر الما الك بيه خبزة خله .... عوف ايامه لتعدها اليه
غاب القط بعد لا تهم يا فار
شيغرة للفلك بالعكس يا فار .... وشيبرد صليل احشاي يا فار
غاب القط بعد لا تهم يا فار .... العب ومرح ابكاع الخلية
اكل ما يعجبك ياصاح والبس ما يعجب الناس
اعرفنك مثال العزم والبس .... ليهمك الكال اعليك والبس
اكل ما يعجبك ياصاح والبس .... ما يعجب الناس ابكل نوية
العين اتشوف والدلال يهوي
ياهو المثلى شال اهموم يهوي .... لون همي على ظهر العيس يهوي
العين اتشوف والدلال يهوي .... وانه كلبي ابعينى ايتهيه
يامن يتعب ويشكي ويامن عالحاضر لكه
الكلب بيمن بعد يضمد ويامن .... وراح اكضي العمر بعدك ويامن
يامن يتعب ويشكي ويامن .... عل الحاضر لكه وخذها من اديه
مو كلمن تصخم صار حداد
الك سيف ابضميراحشاي حداد ....ودعيت المحب طول العمر حداد
مو كلمن تصخم صار حداد .... المحبه اتريد طيب وحسن نيه
المثل كال اكل اوية الاعمة بنصاف
اعلنت وياي حرب الهجر بنصاف .... وتجسم دليليعليك بنصاف
المثل كال اكل اوية الاعمة بنصاف .... انتجاسم الك هاي وهاي اليه
انطي بيدك واركض برجلك
يهلال الوفة كلبي برجلاك .... اطلبك دين والناضر برجلاك
انطي بيدك واركض برجلك .... مثل هذا وصبح عندي سجية
عرفنة كل جرف وكباله شاطي
دليلي بجمر نر الامل شاطي .... حرت شاخد من الاحباب شاطي
عرفنة كل جرف وكباله شاطي .... واة جرفي شف يا ناس ميه
خذت من عندي جزه ابجزه مرضيت
غير اعاي يا مدلول مرضت .... وبهجرك نحيل الجسم مرضي
خذت من عندي جزه ابجزه مرضيت .... صفن جزة وخروف اشلون بيه
ام الشعر والكرعة تساون
يروحي ومهجتي شتردن تساون .... وليالي النايبة عليجن تساون
ام الشعر والكرعة تساون .... وانباع الفحم والدر سوية
يناهي بخيرهن ما خيروني
اخوتي يا وسف ما خيروني .... احكموني بالغصب ما خيروني
يناهي بخيرهن ما خيروني .... وتالي بشهم عموا عليه
انه اللي اجرحت ايدي بيداي
تعبت ناكتي وشهدت بيداي .... ادور ادوار واتفرس بيداي
انه اللي اجرحت ايدي بيداي .... ويسموني جريح شلون بيه
من العنب بطلنة وجزنة
اختصرنا بالهوى الغالب وجزنة ..... وعبرنة بالصبر حدنة وجزنة
من العنب بطلنة وجزنة ....... ونطونه سلتنةوهاي هية
بالعربان اكضي العمر يا صاح
اطش روحي نذر للوكت يا صاح .... وكص السان كل عيال يا صاح
بالعربان اكضي العمر يا صاح .... ولا تسكن بتربان الوطية
لون ذنبت حلك البحر ينسد وحلك الناس ما ينسد
شبده مني ذنب وياك ينسد .... كل ساعة دليلي ابسهم ينسد
لون ذنبت حلك البحر ينسد .... وحلك الناس ما ينسد عليه
الحمل محد يشيلة غير اهلة
الف اه على حملى الطاح اهله .... صرت دمعة على الخدين اهلة
الحمل محد يشيلة غير اهلة .... صح المثل واطبق عليه
عكب ما جان بيدي اللبن ينشن
على الاحباب حك العتب ينشن .... وكل ساعة سهم بحشاي ينشن
عكب ما جان بيدي اللبن ينشن .... صرت اطلب لبن من جاسمية
تمر التاكلة بجيبي نواياه
غرامك للكلب ناصب نواياه .... رماني ومعرفت شنهي نواياه
تمر التاكلة بجيبي نواياه .... لاجن نوجتك جانت خفية
بير المنها تشرب ماي خلها لاترميها بحجار
الك ناضر جثيره اعكول خلها .... وشوكك مهجتي من الحزن خلها
بير المنها تشرب ماي خلها .... لاترميها بحجار الوطيه
على حس الطبل خفن يرجلاي
ذبل عودي وهوى شوكك يرجلاي .... الى ناظر لعد وصلك يرجلاي
على حس الطبل خفن يرجلاي .... الطرب واهل الطرب بعدوا عليه
اظن هالمثل بيه انضرب ونكال
تركته وسار عنه الجدم ونكال .... وحجيه ما يهم ان زاد ونكال
اظن هالمثل بيه انضرب ونكال .... الترك اوله من ابو افعال الرديه
لدلي المعيدي اباب بيتك
انكطع بت من دليلي وبعد بيتك .... وغيري محد من الناس بيتك
لدلي المعيدي اباب بيتك ....يجيك بكل صباح وبكل مسيه
شلت بيدي العجارب والسعتني
بنفس اكصد دارك والسعتني .... ونكلتني اجدامي والسعتني
شلت بيدي العجارب والسعتني .... حيل وياي كل هاي من اديه
طبيب اصبح يداوي الناس وهوه عليل
سرح كلبي ابرياض والشوك وهوه .... ركه ذروة رواس العشك وهوه
طبيب اصبح يداوي الناس وهوه ... عليل ولا دوه لعلته الخفية
باب اللي تجيلك ريح منها سدها واستريح
اشما امنع وانهى الكلب منها .... عنك يالصرت للروح منها
باب اللي تجيلك ريح منها .... سدها وستريح من الاذيه

للشاعر الاديب جابر الكاظمي
تحياتي الى جميع الاحبة