[poem font="Tahoma,5,darkred,bold,normal" bkcolor="transparent" bkimage="backgrounds/12.gif" border="outset,4,black" type=1 line=1 align=center use=ex num="0,black"]
أهديكم قصيدتي المتواضعه هذه أتمنى أن تعجبكم
ميثاق الهلالي

************ خناجر ***********

على متوني حمل ذكراك والليل = وعلى متونك حمل دمعي وعذابي
بابك من بعد يطرد بالجفوف = وانه بلا ماتدك ينفتح بابي
على دفترغيابك طاحت العين = شعجب مابين بعينك غيابي
كاتلني العطش وبخدي شلال = طر المكبره وعطّش ترابي
صرتلك لافته بوجه الحياطين = وكثر ماينقره اتشكك كتابي
رسم بيه الوكت غربه ومحطات = وتموز وعطش فطّر شفافي
بجيت عليك حدما راحت العين = وّره عيوني بجن دم الجفافي
دربك جمر يلهب غير اطفيه! = كلت لا لازم اوصل ليك حافي
انه الصخرات عمري تكسّر الروج = وكت خلاني ادور عالمرافي
على جفوفي طبع جفك والوداع = وعلى جفوفك الحنه ودمي غافي
تدري انت النهايه تكطّّّّّّع الروح = جاي بكل سهوله تكلي كافي
انه من اول عرفتك موش مامون = مايك طين وانت تكلي صافي
ظهري من الخناجرر مملي طعنات = مايحمل بعد خنجر اضافي



[/poem]