يسمونى طائفى ومنحاز لعيون الرسول ومصحفه وآله
ويلقبونى رافضى ومرفوض صوتى بالاعلام المانى بحاله
ويصيحون مخبل ومجنون والمجنون طبعه لذه خباله
ويريدونى مثل السعفه بهبوب الريح كلما مال مياله
وما يريدون أمدح على داحى الباب ولانهج البلاغه نرتل اقواله
ولانسمع تطنجيه ونفتخر فرد يوم وجيبولى مثل على الكرار واحد يوقف قباله
والمانبظ قلبه بحب على الكرار هذا يعيش ميت موته اشواله
عليا صح ولى الله والحق يابو الحسنين يبراله
مو آنه قلت عمى محمد قال عادالله من عاداه ووال الله من والاه
والانسان مامسؤول بالانسان كل انسان بس لله تنكشف صفحه اعماله
وأكرمكم اتقاكم لعندالله هيج يقول ربنا بصحف مرساله
موبيدى ضميرى شمايهزه الضيم قلبى يروح الهم يطلب دواله
هذولى آل النبى تاج وشرف للناس والاسلام دين الله بيهم صاح مواله
ولوجار الزمن وياك بس انخاه وشوف شلون ابو الحسنين يمك يطلع هلاله
على الله كرم بالسف والاعجازوكل أمه محمد صارت بجاله
ومحمدنا سفينه للنجاه وحيدر الربان ومبرور اللى صعد وياه وهنياله
وعاد شما تريد سمنى هالنوب أنا لخادم على الكرار أصيرن سير بنعاله
وهنياله الوصل منزله قمبر يوم نادا المرتضى حضرلى الميمون يشد السرج بيده ويفرش جداله
ومن يمر اسم البتول وسيدتنا فاطمه الزهرا هذا الكون بس لله ولأسمها سجدن جباله
والحسن هذا المجتبى سيد الكرم والجود عجز تتسابق يمنته وشماله
ومن يمر طارى الحسين شلون يله شلون يا يوسف يا يعقوب الحسين السما طاحتله وبجتله دموع حماله
من الله خلقهم نور يجدح نور وباقى الناس من طينه الغبرا مايل وشاله انتو الدر والذهب المصفى الايق بكل جيد وما ابدل ذهب بتيزاب بخشاله
لأضل امدح فضلكم واللى يقول يقول أنا المعروف وماتهمنى القلت والقال والقاله
إذا جدكم محمد أسرى بيه المولا أسرى بليل وصعد للسابعه وداساها بنعاله .

والسلام عليكم ورحمه الله وبركاته .