[poem font="Tahoma,5,red,bold,normal" bkcolor="transparent" bkimage="backgrounds/24.gif" border="double,4,black" type=1 line=1 align=center use=ex num="0,black"]


*********** مامشتاك *****************************
مامشتاك الك لاتشعل شموع = تره دموع الشمع تجوي الصواني
ولاتنثر ورد وتهلهل افراح = انه من اسمع هلاهل تبجي اذاني
نهر ودك اناني وجرفي عطشان = وكلت ماذل وامد ايدي لاناني
توهه النار هادت حدر الضلوع = مامعقول ارد للنار ثاني
طاوعني الكلب بس خوفي اللّسان = يذكر عشرتك واكطع لساني
بعد مارد الك واحركها العيون = واكفر بالدمع وكت الندامه
والعن كل محبه تهبط الراس = اغلى من العشك عندي الكرامه
أسف دارت ضلوعي وشالتك طير = انه ادريبك نسر!شفتك حمامه
وربيتك غصن واتنطر افياي = صرت قوس وعلي تردف سهامه
مانرهم بعد لاتلف وتدور = عيش بعيد عني وخلني مرتاح
شكثر هو العمر ويخلص جروح = وآنه شكثر من عمري انتهى وراح
حجيك مايهزني وكافي تمثيل = جذابه الدموع بعين تمساح
مفتاح وقفل جنت آنه وياك = هسه اثنينه تحولنه مفتاح
بعيد بغير عالم عني خليك = لاحن واجيك ولاتجيني
يادرب العطش يبّست السنين = حد ماتعبت وطاحت سنيني
وهسه تريد ارد وترد الدموع = ماظل دمع خاطر تبجي عيني
جبينك بالوحل يالرافع الراس = وأنه طايح لجن واكف جبيني
انه طايح لجن واكف جبيني[/poem]
شعر ميثاق الهلالي \ العراقي