في ولادت الزهراء (ع) تقيم جمعية شعراء عشاق الحسين مهرجانا قطريا
سنوي في مدينة الكوت بمشاركة نخبه من الشعراء المؤمنين ولمدت ثلاثة ايام
واهديكم قصيدتي (وعلى مسؤوليتي في الدنيا والاخره)

انتي يا زهراء قران الجليل ..........والوحي السانج يرتل بالسور
وانتي اذان السمه ابوكت الصلاه,,,,,,,,وانتي تسبيح وتهجد بالسحر
وانتي نور الله في هيئة بتول,,,,,,,,شلون يكسر ضلع من عندج عمر
اذن خارج عمر عن دين الاله........واذن بالقران من صابج كفر

انتي سر الروح يالسرج عجيب........وانتي سيدت النساء بكل فخر
وانتي حيدر والحسن وانتي الحسين,,,,,ورحمة الله وحجة الله اعله البشر
وانتي ام التسعه ياعصمة الدين ......وانتي راية نصر بيد المنتظر

وانتي ام الحزن يالحزنج طفوف,,,,,,,وانتي زينب وانتي كفين الكمر
وانتي دمعة عين كل شيعي شريف........من تهل لمصاب مكطوع النحر

حجر ابيض جان بيت الله الحرام ......ولمصابج ركن من عده انفطر
ونزع لونه ورتده لون الحداد ......وحجر السود صار يتسمه الحجر

والسمه صبت حزن يوم المصاب........وابابيل الغيم سجيله المطر
والجبال اهتزت وضلت تميد .......والف بركان ابغضب منهه انفجر
لان قدرج من قدر طه الرسول ........والرسول من الله ماخذ هالقدر

وجان قوس القزح ماله كل وجود.....وبالسمه لجلج مثل سيف انشهر
وحتى عرش الله من عصرت الباب.......لجل ضلعج ناح جن ضلعه انكسر
اذن عرش الله لمصابج حزين,,,,,,,,,وغدا وين ايروح من الله عمر

هذا وساوافيكم بقصائد المهرجان انشاء الله
واسئلكم الدعاء

تحياتي لكم
اخوكم
الحركاني