[poem font="Tahoma,5,limegreen,bold,normal" bkcolor="transparent" bkimage="backgrounds/26.gif" border="solid,4,limegreen" type=1 line=1 align=center use=ex num="0,black"]


أهديكم قصيدتي هذه أمنياتي أن تعجبكم
*********** الكراسي ************************
بسك ياوطن خليه العتاب = شيصحيه الكلب لو جان قاسي
ولاتبجي وتون شتفيد الدموع***على دموعك بجت دم الرواسي
تيهنه الحدود وتيهيناك***وردينه انتعارك عالكراسي
لان عدنه الكراسي بعز الارواح***وجن هيه الكراسي التصنع ارجال
ولاجن الحسين الماحكم يوم***لهسه تمجد بطرواه الاجيال
بعدنه بوادي نمشي اشافت العين؟***ساحة معركه وكدامنه اجبال
واذا تمثال واحد جان منصوب***هسه بكل فرع خمسين تمثال
سفينه اتحملت بس بالملا ليح ***وصعد طوفان نوح وباك الهلال
ذبحنه الحزن صح بخنجر العيد***بس وينه الفرح وتكظه الاطفال؟
وطيحنه المشانق صح باليدين***بس ظلت بدينه مجلبه الاحبال
نلطم عالحسين بغير تطبيق***واظن عاشور من كد اللطم مات
مو بس للطم مخلوق الحسين***قضية حسين مودك وهتافات
غضّينه النظر عن هم السنين***وخلصنه الوكت نكتب عبارات
وصح شلنه الشعار الجان مكتوب***بس ردت نفس ذيج العبارات
واذا جانت الكاع مغطيه الكبور***هسه عله الرصيف المكبره تبات
وبعد جاي الدمع والحزن والنار***اذا مانتحد ونخوف الخوف
خل نجمع شملنه الطشره الليل***ونرجع الصبح ونلم الصفوف
كافي من الجذب ملينه تمثيل***حرير شلون نكدر نكلب الصوف
بعده حسين بينه ولسه موجود***يعاين كربله ورايات الطفوف
بس متاني واحد يعبر الموت***ويضحيله العمر ويذب الجفوف
يضحيله العمر ويذب الجفوف
شعر ميثاق الهلالي[/poem]