[poem font="MS Dialog,5,red,bold,normal" bkcolor="transparent" bkimage="backgrounds/26.gif" border="ridge,4,red" type=2 line=1 align=center use=sp num="0,black"]
1-صينيه السمه والنجم صار شموع = والليل أبتشر دك مبخره لفجره
وسوتها النيازك مثل ليلة عيد = وجفوف الكمر عالباب منتظره
وجان الورد نايم حاظن الشباج = غمزتله السمه طاح ونثر عطره
سألت عله الفرح والكرنفال الصار = كالولي أحتفال بمولد الزهره
************************************************** **********
2-فاطم الزهراء من كلك تموت = هاي شمس الله الأ بيه الطاهره
ولأن حبيناج يالزهره بجنون = صار بينه الصارلجلج والجره
ماهي بس أنتي أنكسر ضلعج تراه = العراق ضلوعه كلها مكسره
أنتي باب يرد عليج وتوكعين = وأحنه كل يوم الصبح بيه مجزره
أنتي محسن طاح منج عالتراب = وأحنه محسنه المفخخ وذره
أنتي حيدر دافنج بيده هذيج = وأحنه عالدفان كظينه سره
انتي يم كبر النبي كبرج يصير = وأحنه غصت بينه كاع المكبره
أنتي مولاتي بحقدهم حاربوج = وأحنه عبوات أنترس بيها الثرى
لكن الله يريد ذيج وراد هاي = وكلشي بكتاب الجليل مقدره
لازم تمر القيامه بلا جدال = وينغسل حظها الجموع الكافره
ينغسل حظها الجموع الكافره
الشاعر\ميثاق الهلالي\العراق[/poem]