انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه
اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه أنا دلولي نحر بالبــين يسعى
ثكَل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه نكَل طرف الجذيله وحـيل يرها
حجي الغالب على المغلوب يرها
أنا روحي أشعره والمجنون يرها
لون عـاقـل تــرك منـها بجـيه
سمر لو بيض يعجبني شكلجن
تنور اشماتـكَللي ابشكلجن
لون واحد على حـالي شكلجن
بويا تدللن وانا النــيران بيه سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي وانظر اكَــبالك عليه
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه المصايب بس على روحي تلافت
يكَلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
ناحل وامشي امكابر تراني
اجلّد خاف عـدواني تراني
تاره الموت يدهـاني تراني
اصيحه من يمر شامت عليه شهر سيف الهجر ضدي وسله
نساني اوراح وي غيري وسله
عنب ماحصلت مــنه وسله
طلع ذيب أوكتلني اربـات إديه
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكَّاد بيه زماني جرد اســيوفه وسنهه
عليه اوحرمــت عيني وسنهه
وحكَ اللي فرض خمسه وسنهه
بعد هيهات عيـش ايصير اليه
مدري لاتناشدني على احشاي
بجيت وصب دمع عيني على حشاي
تبعت الضعن وجفوفي على حشاي
إشما مال الضعن روحي إتميل بيه عفاني جيف الى مهجه ولي روح
اداري بالعلل كلها ولي روح
ماني بحال من يبكَه ولي روح
ابحالك يالقطعت الوصل بيه


















أحبابي اشلون حالتــكم بعدنا
اشبدينا والوكَت عنــكم بعدنا
إذا انتم نسيتوا احنا بعدنا
أبذكركم كل صباح وكل مسيه
وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكَحني الهوه وذبــني بنويه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه تبنا من العشــكَ واردود عدنه
وحسبنا اسنين مره وتــاه عدنه
أهوايه بالعجد حلـوات عدنه
لون روحك صدق خضره وطريه
هذا اللي لعند اعضاي هد هد
ملهي وابد ماينصاد هد هد
اكَله اكَرب يكَلّي ليك هد هد
ارفع مشتهاك اشتظن بيه دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
اندهني هم اضربك بيس واجراك
وعساك ابمثل حالي أتصير واجراك
يجي يوم الوجر فوكَاك واجراك
واهلس ريش جنحانك بيديه ليش انته على الحبوك تنحال
وظلوعي ابيوم شال الظعن تنحال
إلك عكَده ابدليلي عيب تنحال
لما يطلع جديد الشيب بيه
روحي والهوى ودنياي وعداي
علي واشلون اشيل الجدم وعداي
صابر وانتظر واشـوف وعداي
ابفرح لو دوم وكَـتي محيط بيه كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
نديم الروح يامدلل صبلها
حنينه وشافت بعينك صبلها
مقامات العشك حبك صبلها
بقيثارة عواطف سومريه تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه تشوف اهمومي بعيونك وترها
وتغيب وتكطع بروحي وترها
يرهيك الوكت يسمر وترها
وتصير انت ابو الراهي عليه
سهرت الليل بودادك وحييت
وكَلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه تظن انساك وانته الروح واسلاك
سبب مايوم مني انكَطع وسلاك
أعيش آنه عقب فرقاك وسلاك
معافى والوشاة أعملوا بيه
غياب اجفاك لرموشي لجنها
عميت أوروح ماعادت لجنها
وحكَك غالي او دمعي لجنها
ارخصت من يوم شح وصلك عليه اشتـبي منا تسـألنا ابشكلــنا
ورد جوري أبوسط جنه شكلنا
لون واحد على حــالك شكلنا
عصرنا الزلـف وانطيناك ميه
شوف اشسال من جرحي وشده
وعلي تصعب مداواته وشده
نخيت اشجم خوي بهمه وشده
يصير اصعب من اعدائي عليه الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
علي معانكَك ياترف ويبات
وعون النادمك للفجر ويبات
العاشكَ دوم يرع النجم ويبات
تجتلونه ولعد الله خطيه عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه
العاذل غير اطباعك ولاشاك
وتخاصمنا وصرت خصمي ولاشاك
الذهب غيرك على احبابك ولاشاك
وخصام انكَلب كل ودك عليه تعابيني بحجي الواشين والنوم
وانا والله ونيني اعليك والنوم
شوف الجسد مني ركَد والنوم
حاربني وفلا يعتاد اليه
أتلعثم من أشوفـن وسطك أنا
أومنوا لوشوش بذانك واسطك أنا
تكَلي ويــنك أنتــه وسطك أنا
تدور بالنـبـض تـعـثر عليه همي من كثر يذبل وراها
ونار الكَلب ما يخمد وراها
كل شده يهل وادم وراها
فرج ، والفرج من رب البريه





علامات الكبر بـانت ولاحن
أوخوي المانكسر كَلبه ولاحن
بعد ما أنشد انا عنـهم ولاحن
ولاحن بعد بالمـــالي بيه بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكَني بالشفا قبـل المنيه
مر ولفي ايهبتـني ومره هبته
ومره اوصلت يمـه ومره هبته
طحت مكَدر يصاحب مره هبته
اسد يخسه الاسد ملكَــاه اليه أبعز نومي إجا طيفك وعاني
وشكَد أتحملت منك وعاني
إجيت أومعتني إبدارك وعاني
ولامره إجـيت انــته عليه
نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاكَولن جنت صاحب إليه يناهي جوز عن هالطبع وتراك
ومثلك منوجد بالعرب وتراك
خدك نار لوفانوس وتراك
وشعرك ليل والكَصه ثريه
حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلّوني سجيه
حبيبي أومهجتي أودنياي ونته
ترى المالوم صعب اهواي ونته
يصاحب تاه مني الكَلب ونته
بس لو صادفك تلكَاه إليه كحل بالعـين أحـبابي يحطون
أوياحربه أمسومره أبكَصبة يحطون
ياليت أهلك أبكَرب أهلي يحطون
نـنام أثـنـيـنا أونلتف سويه
روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه أريد أرحل ابضعن الشوكَ وحداي
أوكَلت هذا قراري أوياك وحداي
أريدك بس إلي خاص وحداي
مو عين الهذاك أوعين إليه










أبات الليل بالحـسرات منطر
تضل عيني على البيـبان منطر
شفت خدها عبالي الفجر منطر
كَمت صليت من غــصبن عليه حبيبي اختارك الــدلال واشراك
عجب تحفر حفر لهواك واشراك
وحكَ ال مااله إنـداد واشراك
أحبك لو تصير احــزاب إليه
يكت دمعي بيابي دمى واجفى
إلي ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه أضعضع حيلي من فركَاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه
يدنيا إشمال دولابج يناحي
ومن الصوبين كسرتي جناحي
وأنا الذاك الجنت أمر وناهي
صرت شبوط والفالات بيه لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
حبك من شفـاف القلب عتباي
ولانوبه أذكرتنا واوصلت عتباي
أعتب مانفـع وياك عتباي
على ياهي أزعـلت واقطعت بيه كَلبي مافرح عكَـبك ولاسار
ولاجدمي خطى الغيرك ولاسار
أخبرك مابكَت جـلمه ولاسار
فضحني الدمع من غصـبن عليه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه وحق التعبده شيعه وسنه
هذوله الحرموا نومي وسنه
عليك اسيوف جردنه وسنه
علامك يلعبدت اشميت هيه
بعدني ألف وسفه الوقت عنك بعدني
أموت أو أرتجي وصـلك بعدني
أوتراني عالعهد باقـي بعدني
تراك أنت النظـر والحيل بيه حبي إلك مافد يـــوم ينكَص
أوليش الصاحب أمن ايغيب ينكَص
زمن خل الحديد ابخشــب ينكَص
ويخلـي الماله اول بالثنيه
صب دمعي على الوجنات ياهل
أوماتدرون بيا اشصــار ياهل
صرت عصفور جني بيـد ياهل
أهـو يــلعب وانــا الجانون بيه حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه



ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه
الكَلب شاجر على ابن أمه وداوي
تضعضع ونهدم ركنه وداوي
لا مجروح حتى اكَعد وداوي
ولا غايب وكَول يعود ليه علامك تصد عن عتبي وتلهاي
او اراك امولع بخصمي وتلهاي
ولك نارك خذت كَلبي وتلهاي
لها روحي اول لهبها محيط بيه
الواحد ما يصير اثنين بالقيد
ولا عندي حجي العذال بالقيد
دخيل اليسروه للشام بالقيد
يلين المايحن كَلبه عليه من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصاب الصار بيه
متى من ليل هجر اجفاك تنهال
اشجره وسياط هجرك علي تنهال
عزيزه دمعتي وبجفاك تنهال
مثل هل السحاب اعلى الوطيه رفضنا كل مذله احنا وبينه
الشهامه انغرست بحينا وبينه
انت خالنه وعمنه وبينه
كف دمعك ولا تبدي الشجيه
الصديق اللي نشوفه نقي ونظيف
نود كل يوم نبدي اعليه ونضيف
علي طيبه نجمل طيب ونضيف
بكثر معنى الحروف الابجديه الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه
قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كَلبك سمعها وحن عليه
وحك اللي تعبده الناس منشاف
الدمع من يومكم لليوم منشاف
الف ياحيف شفي انكطع منشاف
بعد هيهات جمعتنا سويه صحت الغوث من دنياي وناس
منهم ماشفت بالكدر وناس
هذا الكَطع ذاك الغفل وناس
استغيث بخالقي رب البريه
تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه علام الدهر شتتن وطرنا
عكب ذاك الطرب بالهم وطرنا
الف ياحيف مكضينه وطرنا
ليالي اللي مضت متعود ليه















الدارمي


كل ما تصد للدار يكثر حزنــها شلونـك.. شلون الدار .. وشلون الأحباب
أذكر جرح بجلاك خبـرني ما طـاب
نارك يخايب ماي مومثل نـــاري
اومن يطري بيا الشوك يحترق جاري كل ما يجي الليل أذكر وفـاكم
واذكر محاشي الطيب وابجي أبرهاكم
يسألني البطران ليش وجهك اصفر
مايدري على المحبوب قلبي تفطر لاتهتم على الراح وي همك الراح
والعالي مو بالطول بالصبر ينلاح
شمـاتي مو شـمات شمـاتي شمات
بالكًًبر ويسألـون حي بعده لو مـات علمني عالنسيان ارد انسى ضيمـك
وي غيري كَمره اتصير بس حصتي ضيمك
اكَدر اسكت الناس وامك واخوتك
كَلي شيسكت اهواك لودره ابموتك شمـاتي مو شمـات شماتي تسعه
والعاشر إزغيرون يأشر باصبعـه
الدهر شل يمناي شل يسرتي البين
جابيش اصبر الروح بيش امسح العين كَلبي أرد أكَـصه إبموس وبفاس أكَطعه
خلصها بالسختـات مالحك ربعـه
لاتسأل إعله الحال خلـيها سكته
تسأل على المكتول والكاتل إنته خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا
كل دكَج أعلى الراس بسج يدنياي
مطكَوكَه باليافوخ ماشوفن احــداي عمداً أمر بالدار وأشبع مغمــه
وابجي بجي المفطوم ومفارك أمه
شحجي شكَل للناس من همي شحجي
مليان بالحسرات بس احجي ابجــي همــك .. وهم الناس وهم هم الهموم
لو وحده منهن بيــك ماتكًًدر إتكـوم


همي الليالي اتعود واتعاتب أوياك
احجايه للشمات خلاني فركَـاك
مبخوت أضل للشيب يافلان أذكـرك
أوينكرني نور العين من كون أنكرك انت العطش والماي وانت المشوفـه
ورسمج وحكَ عيناج بالكاس اشوفه
جاشلي بالخوان والماينفعـــــون
عود أمن اموت أيجون ويا اليشيعون سبحان من خلاك تقسي ابغرامك
جانك اتداوي اجروح رق بكلامك
يسألني البطران اعربلي كان
حسباله مثل العام عكَلي بمكانة هاك استكانة جاي أشرب عوافـي
أو دزيته لك مخصوص يامايه صافي
شماتي موشمات شماتي اشرار
بالكَبر ويقولون ياربي بالنـار شمـاتي مو شمـات شمــاتي إخـوتي
حتى أمي يا هالناس تدعي إعله موتـي
ياعازة الخوان عازتها عــازه
والماوراها صياح وحشه الجنازه يحمل وفى والطيب والرقه كلــها
أوكل مشكله ابهالكون بس يمه حلها
لانفع نصحي أوياك لانفع لــــومي
أنا ادري مامحضوض راح ابقى دومي حسره الك بالدلال ظلت لما امـــوت
مادرت حكَها الناس اصوابي بسكوت
ميت والمعزيات مابيهن أمــــه
وحده التشـتم بيه وحـده التـغمه أرد أسـأل العشاك ليش آنه مشتــاك
نايم إبحضن إهـواي واشكي من الفراك
اصغير وخاف اعليك من حضن امك
ابكَلبي واكَول ابعيد جاوين اضمــك اصغير وخاف إعليك من شـــدة الاه
اشنون احمل أنا افراك واصبر بلا اياه

عبالي طيب زاد واعطيتك اعيون
تالي توج النار ويا اليكرهــون
سبحانه من سـواك نص وجهك إعيــون
إزغيــر سبيت الناس من تكبر شلون رش الدرب تيـزاب حافي أعتني لـك
جا شـلي بالرجليـن الما تجي ـك
الدنيا ماتسواش لاتصفن إلهـا
عالطيب والمزيون يكثر حملها ارد انشد الصباغ هم يصبغ اكَــلوب
اصبغ دليلي اعليك واحزن فرد نوب
حسـره إلك بالدلال ظلـت لما أمـوت
ماتدري حكَها الناس إصوابي بسكـوت عمده ارد امر بالدار والنوح ازيده
واسمع صداها يكَول راح التريده
متعجب المهموم يشرب جكَاره
كَلبي ابكثر مانوح تجويني ناره أطلب واكَلك صار تامرني أنــته
عمري من أول يوم بسمك رهنته
بالـك تمر بالدار عنها إشمر إبعيـد
دار العزيز هواي نوح وبجي إتريـد بسك ولك يالبين دكَاتك أويـــاي
أدكَني وسط الضيج وتشمت اعداي
همك .. وهم الناس .. وهم هم الأيـام
وفوكَـاها هم العين ماتقبل إتنـــام وين الجفن ينباع يالشايل الخـــام
عدله أرد أطمها الروح من ظيم الأيـام
لو ممشى عشر اسنين أمشيها واكثر
ماأتعب وما جوز من حب الأسمـر حيل ابجي عالمكسور حيل ارفس الكَاع
اولا تنكسر جدام شماتك ابســاع
اقعد ابتالي الليل وادعي ابصلاتي
ياربي بعد افلان شلي ابحيــاتي اتعمن والعباس بسجن يالعيون
تبجن وهم اهنا لوشالو اشلون

لو ترش مو تيــزاب لو تزرع ألغـام
اللحم خله إيروح أوصلـك إعظـام
يسألني البطران حالك إشلونـه
الغاضب الله إعليه هم ينشدوونـه سـلَم ولَو بالعين تكفي الإشــاره
روحي إبتلت بهواك .. سويلي جـاره
كَلبي أرد أكَصه إبموس وأجوي إبمكانه
علمني إعله درووب كلهن مهــانه لو غبت عني الروح احسبها شده
واحرق ابدمع العين حتى المخده
يالتون تالي الليل سمعني حسك
لولا الكَلت والكَال لعبر وونسك ظلمة اودرب عاثور ليلة شتى أوعت
روحي اشتهت ملكَاك عتتني لك عت
جاوبني تدري الوكت بوكَاته سكتاوي
موش أنته نبعة عشق بالحسن متغاوي من كثر حر الضلع أحتركَن هدومي
وتسعين ناقة وجمل ماشالن همومي
عمداً أمر بالدار والنـوح أزيــــده
وأسمع صداهـا إيكًـول راح التريـده حكَي من أحامي إعليـج ياشجرة التيـن
ماي الربيـتي إعليه من دمعة العيـن
متعني للعبـاس أشكي الهظايــم
الواشي كَبلي بيـوم بالحظره نايـم همك وهم الناس وهم الله فـوكَـه
صاحت عليه الناس جن عندي بوكَـه
أرد اسأل العراف واهل القوافـي
ليش الحجاب إيلوك للوجه صافي منك سمعت الاه كثرت جراحـي
وشبيدي خوية اعليك كَصوا جناحي

هاك أبره , هاك الخيط خويـه أرد أكلفك
أمسرد الدلال شـله إعلى عـرفــك
هامسا أوها مصباح باجر يشيلـون
اورجلية شالت طيب من دمع العيون ويا النجم سهران وايدي أعلى خـدي
الليل أوظلام الليل شو كلها ضــدي
القلب كَال أحاه ! كَتله وجعــــتين
منهو الاجى أوعزاك من طكَك البين عمده ارد امر بالدار واشبع مغمه
والمعتني الطيبات لوطاح شيهمه
ريته اليطيح ابضيج كون اخوته وياه
اوكل مايكَول احاه كلها اتلـــكَاه هم حلو .. وهم إزغير .. هم أزرك عيون
بس بيه طبع مو زين من يوعد إيخــون
بطلت ممشى الحيل كَمت أمشي تاته
أومثل اليكَودن بيه أمه أو خـواتـه شامت وكَف بالباب حاير شكَـله
اتوجه عالمكسور لو دمعي هله
غصبن عليـه الروح آنـه الأذلهـا
محتاج والحاجات ماهـمـه أهلهـا يسألني البطران ليش راسك اقرع
مايدري على الحلوين شعري تشلع
ميت والمعزيات يبجن عيـــاره
ويرمن على التابوت كَطف الجكَاره الدهر بس وياي راكب إحصانـه
ويكَـلي وين إتروح جدامك آنـه
متعني للعباس أبجي إبحظرتـه
والينكسـر بهواه شنهو جبرتـه لم جرحك أو للبيت كَوم امشي ويـاي
وامشي ابدلال أرجوك لاتشمت اعداي

وحدي ابنص الليل بس حيرتي أوياي
أبجي أعلى وكَتي الراح واتنطر الجاي
هاك ابره هاك الخيط خويه ارد اكلفك
امكَطع الدلال شله على عرفــك أرد اسأل العراف واهل القوافـي
ليش الحجاب إيلوك للوجه صافي
غصبن عليها الروح جابتني اشوفك
كثّر عليها اللوم بلجن تعوفــك الاخو وقت الضيج ماينكر أخـته
أوحان الوقت هاليوم ياخويا وكَته
اجلّد ابممشاي ناحل ترانــي
خوفي من الشمات مو من زماني الدنيه للتهواه ترقص امفرعـه
والماتريده بنوح لو خلص دمعه
كل مرض لامابيك ياخوية محسود
اوحك اليحسدك داخ بعيونك السود روحي اشتهت ملكَاك رغم المراره
أو بجفوفك الدلال شيطفي نــاره
ألعب عليك إشلون وانت أعز مني
أو صدقني مو مغرور يالتتهمـني أتمنى كون أيصير لحدي أويا لحدك
أو من يمشي الدفان أكَعد وكَعـدك
أهلا وسهلا بيــك واكثـر بالوياك
الكَلب قبل العين فز وتلـكَـــاك إرتجي إعله المكسور حيل إردس الكًًاع
بالك تذل جدام شماتك إبســاع
تيزاب أحط بالعين واعميها بجـفاك
خافن تصد للغير أوتنسى المضى أوياك يالردت عني اتروح خليلي صبرين
واحد يصبر الروح والثاني للعـين


انشدني عالحال حالي أعلى حـاله
سمجه أوشحيح الماي وبظهري فاله
ميت والمعزيـات موش أمهـاته
مايبجـَن إعله المات يبجن شماته أنوح أولاهلي يدرون بيه
تموت الروح والعله خفيه
أشرب واريـد أنساك واسكر واذكرك
مو بالعظم ويطيـب بالكًلب كســرك كَـالولي ولفـك راح كَلتلهم أبعد
كَـالو صعد للغيـم كَلتلهم أصعد
للخوه ماخليت شي ماكَضيته
حتى الصخر ياناس وتوسديته مر والمراره البيك محد حواهـــا
أو روحي اشتهت ملكَاك عفيه اشكَواها
بالك تكَول الاه ياخويا بـــالك
كل التكَوله ايصير روحي ابدالك كَلنا دلال إيجوز وتحمليـــنا
أو ماندري بيه مغرور يلعب علينا
أرد انشدك وارجوك صارحني ياهواي
تذكرني لوغصيت من تشرب المـاي اوقف يبعد الروح اوياك الي الحسـاب
تسافر أو جرحي اينوح ليهسة ماطاب
الدنيا بس أوياي صارت حريصـه
أو من سلة المكتوم تطلع لي شيصه الدنيا بس وياي شـدت عــداوه
ولا واحد إمن الناس لجروحي داوه
ثاري البنات اشكال مثل الجفافـي
وحده التصد للغير أواحده التوافي لاواشي لانمام يبعدني عــنك
بس النجف يهواي ياخذني منك
حسره وحدرها احاه وبقلبي لوعه
كلما اضوك الزاد اركض وازوعه حطيتك بسرداب وفوكَه متر صـب
اصبح الواشي وياك من ياكتر طب