تويت
قصيدة رائعة في مدح امير المؤمنين عليه السلام
بسم الله الرحمن الرحيم
عدينا الليالي السود ***** واطباع السنين اخيولها امسابك
وتحَملنة الجروح اسنين ***** وجروح الزلم من تِلِّجِم تُغمَك
وكيحة الدنيا صلفة عين ***** تجفي ابساع من تعشك
جفت من سال دم هابيل ***** وضاع الصوت واسم الحك
دفن قابيل دم هابيل ***** وضل بس الغراب اليبحث وينعك
أخاف اتكول شيعي ***** واليحب البيت باهل البيت يتعلك
محمد بالوداع اشكال ***** موش اعلَنهة طَك ابطَك
رُفـَـــع جَـفـَّــة وهِــتـَــف بـاسمَـــة
علي الراية علي الآية علي بحر العلم واغمك
علي هارون من موسى ***** هبوب اعذيبي لو نتَّك
علي لو ما تدارك نوح ***** جا غَط والسفينة اشراعهة اتشَكك
علي لمن تِنَّخَة ابنخوتة اسماعيل *** طك البير ماي ازرك
علي لما انتخة الذا النون ** خلَّة الحوت باطراف الجرف يطلك
وين الحَـك دخَـل نتـمــايز ويـــة الحــَـــك
النبي يحيى ابمخالب جرَّة المنشار ظل يشغَك
وحيدر من عَلاه السيل ***** بِفياض الدمة اتنشَّك
***علي نَش الزلم جِدامَة نَش البَك ****
علي فَرحة علي شَمعة علي دَمعة علي قبل الخَلَك مَخلَك
ياهو اللي وهب ثوبة دِكُلي ورَكَّع وفَتَّك
ثِجيلة احجاية الوجدان ** والكُصَّة امن الخَجَل تِعرَك
واريد الصوت كلمة حَك **** اريد الصوت كلمة حَك
**** كِل من عادى ابو الحَسنين ****
الف نَعلة اعلة ابَيَّة امنين ما نَتَّك
*** واذا حُبَّك حبل يكطع هوة الزردوم ***
آنة اول حبيب ابحبلك اتعلك
آنة اول حبيب ابحبلك اتعلك
عدينا الليالي السود ***** واطباع السنين اخيولها امسابك
وتحَملنة الجروح اسنين ***** وجروح الزلم من تِلِّجِم تُغمَك
وكيحة الدنيا صلفة عين ***** تجفي ابساع من تعشك
جفت من سال دم هابيل ***** وضاع الصوت واسم الحك
دفن قابيل دم هابيل ***** وضل بس الغراب اليبحث وينعك
أخاف اتكول شيعي ***** واليحب البيت باهل البيت يتعلك
محمد بالوداع اشكال ***** موش اعلَنهة طَك ابطَك
رُفـَـــع جَـفـَّــة وهِــتـَــف بـاسمَـــة
علي الراية علي الآية علي بحر العلم واغمك
علي هارون من موسى ***** هبوب اعذيبي لو نتَّك
علي لو ما تدارك نوح ***** جا غَط والسفينة اشراعهة اتشَكك
علي لمن تِنَّخَة ابنخوتة اسماعيل *** طك البير ماي ازرك
علي لما انتخة الذا النون ** خلَّة الحوت باطراف الجرف يطلك
وين الحَـك دخَـل نتـمــايز ويـــة الحــَـــك
النبي يحيى ابمخالب جرَّة المنشار ظل يشغَك
وحيدر من عَلاه السيل ***** بِفياض الدمة اتنشَّك
***علي نَش الزلم جِدامَة نَش البَك ****
علي فَرحة علي شَمعة علي دَمعة علي قبل الخَلَك مَخلَك
ياهو اللي وهب ثوبة دِكُلي ورَكَّع وفَتَّك
ثِجيلة احجاية الوجدان ** والكُصَّة امن الخَجَل تِعرَك
واريد الصوت كلمة حَك **** اريد الصوت كلمة حَك
**** كِل من عادى ابو الحَسنين ****
الف نَعلة اعلة ابَيَّة امنين ما نَتَّك
*** واذا حُبَّك حبل يكطع هوة الزردوم ***
آنة اول حبيب ابحبلك اتعلك
آنة اول حبيب ابحبلك اتعلك
تعليق