تويت
دموع القربه
الأخ عماد أشكرك واهديك هذه القصيده والساده المشرفين والاعضاء
موشجاعه الاف تتحدى الوحيد = ولاشجاعه الطفل تنحز ركبته
بس شجاعه الواحد اتلكه الجموع = والطفل للسهم رافع هامته
وفاطمه الزهراء وكفت بالطفوف = اتحشم بعباس وين ابني الفتى
وهجم سبع الكنطره وشك الصفوف = وجنه كرار وفقاره بيمنته
ورجفت سيوف وزلم كبل القتال = وعثرت الكاع بحوافر مهرته
وظلت كلوب الزغار معلكات = عيونهه عله الباب تنطر جيته
أبو فاضل من هجم صاروا شتات = ولو سيف العطش ذبل شفته
كون كلهه الزلم تنحط له وسام = وتاخذ الدنيه تحيه لخوذته
وطيحة جفوف الكمر زفة شجاع = مزوكه بدم الجفوف الزفته
وجان خايف على الغيره وياتموت = الرايه غيره وغطى جسمه برايته
القربه جانت صعبه كلش عالسهام = ومو بفعل السهم ميهه البدته
شافت العباس يبجي عله الحسين = وطلعن الهه عيون يبجن قربته
هذا دم عباس يرسم عالتراب = عيون واطفال وعطاشى وملحمه
ونهر قفلت رزته كلوب النفاق = شماتفيض جروفه تشربها السمه
هاي هيه الزلم وكت التضحيات = مو مهم الماي من ترخص دمه
والله لو ماربك يريد اليصير = وهاي كاتبهه الجليل محتمه
جان موبس الفرات يطك عليه = جا الكو ثر اجه وطخ يم صارمه
تعليق