بدم الشهيد انكتب دستور والكم صدر
فاز الذي بي عمل وفوك اليهمله صدر
يحتوي دين وعلم مفهوم يشرح صدر

محمد الصادق تره بوجه الظلم عارضه
والطاغيه من طغه هوه الذي عارضه
والعمر لاجل الوطن للموت ضل عارضه

منالصدر الاول تره كل شر بعد مالفه
والحكمه يم فكرته ضلت تره موالفه
تدري الكتاب الذي الاول مالفه

قدد قميص الشرك غيره ابد مقتده
اليقتدي يقتدي وعوف الذي مقتده
ومن عنده طالع فرع اسمه الاسد مقتده

شاف الوطن ينهب سواهه الك ثوره
واليعبد الثور كضه وذبح ثزره
الله والله زلم خلفتي يال ثوره

الدين بيهم مشه ما بيهم الكعبي
والهم اروحن نذر من راسي الكعبي
جا كلي شيسوون لو رد علي الكعبي

يكلبوهه شي بالعلم شي دين شي باني
وشيبوني بس بالعكس اسود ب شيباني
بالحجي ياهو الكدر لاحمد الشيباني

للصدر لايك تره والصدر لايك علي
والفخر بيه يفتخر والراس خلا علي
ولا تنسه عدنه اسد سميسم الاسمه علي

بالانتفاضه صبر للنصر ضل حازم
ويا صدر اني الك بمتاعي هل حازم
منسميسم انا انتقل للاعرجي حازم

للصدر كاتب نعم غيره ابد مكتبه
ومو عقل شايل اضن شايل اضن مكتبه
يرجفون من مصطفى وهل داهمو مكتبه

اليعقوبي كض العده ولفهه بسلك شوكي
وبطيخه مر وزهر يا عمي مو شوكي
يابويه من ينفجر عدنع علي الشوكي

حاجه الخوارج حجي وجلمات حلوه طلق
ماريد اعيش بقفص صدري انه حر وطلق
عالعده ارمي نعل لمن اخلص طلق

وارميهم انا بمرض سكتت قلب لوسل
وما جاوب اليعترض ماجاوبه لوسل
جيف انه سامع خطب بيهه علم لوس ال

خفاجي وعلي مثل الذهب صافي
يكول العليك اعتده انته اعتني صافي
وذكرني حسه وعلي بحس كاظم الصافي

وللموت احبه وعلي وللموت احب الصدر




الشاعر الكبير
غزوان العتابي



اخوان بلا تصفيق لاني متواضع