بسمه تعالى
السلام عليكم ورحمة الله وبركاته

فوگ الجسر من بغداد

الشاعر الحسيني زهير المخزومي

فوگ الجسر من بغداد تروي المصيبه
قصتنه ويـّـه الجلاّد تروي المصيبه

خل يجري كل يوم دمنه
خل يجري كل يوم دمنه

* * *

قصة هالجسر والناصبـي ايعيده
بلسان الزمـان يـعيد تـرديده
هارون وعذابـه وظلمه اليزيده
من الكاظم الغيظ يزيد تهـديده

من الجسر نسمع صوت صوت بن جعفر
جسر الائئمه والـموت للـعبره فجّـر

يتـحمّل اهـموم دمنه
يتحـمّل اهمـوم دمنه

* * *

ياموسى بن جعفر قصة الشيعه
خل صوت الزمان بلوعته ايذيعه
بجسر الموت نعشك صار تشيعه
للناصب امـر نرفض ولانطيعه

نتـحمل انشيل اهموم خل يجري دمنه
خل ننذبح نجري ادموم والله ميهـمنه

والزهـره مسموم دمنه
والزهـره مسموم دمنه

* * *

يامـوسى بن جعفر ياچتيل السم
هاك اسمع هظمنه وشوف مجره الدم
ليك الشيعي جاي ومعتنـي بالهم
بصواريـخ الكفر عـدوان تتهجم

من هجمت علينه اجنود جيش النواصب
بـدمها الـمحبين اتجود وتـأدي واجب

مانـجزع ايدوم دمنه
مانـجزع ايدوم دمنه

* * *

بجسر الـموت لمن هجموا اعلينه
باسـمك يالـحبيب احنه تنخينه

وصحنه بصوت ياباب الفرج وينه
واحنه انـموت نلهج بيك والينه

من الـجسر يامظلوم ياجـارع الهم
نتنخّه يالكاظم گوم لينـه واتقـدّم

شـما نوگع انگوم همنه
شـما نوگع انگوم همنه

* * *

ياباب الحوايج شيعه ومـحبيـن
عالحگ شيعتك وانته الهوه والدين

بدروب الخطروياك نمشي اسنين
عالحب والهوه تشبح إلك هالعين

مانفزع ولانـرتـاب من گوم اميه
انصارك احنه واحباب حتـى المنيه

شماينـزف ايدوم دمنه
شماينـزف ايدوم دمنه

* * *

من حسين الدرس والمنهج اروينه

نتعلّم نـِحب والـُحب يغذّينه
شنهو الـموت عدوانك تراوينه
شـماطال الدرب ويّاك ماشينه

جرح السقيـفه ينـعاد آلامه بينه
من الطفوف لبغـداد دمنه يروينه

للحگ تـجدّم دمنه
للحگ تـجدّم دمنه

* * *

حقيقه وموخـيال ولاچذب طيفه
باچر يطلع المهدي ويـحد سيفه
برگـاب النواصب ياخـذ بحيفه
واخبار الظـهور ويـالخبر ضيفه

من يطلع المهدي تصير عاصمه الكوفه
والناصبي بعينه ايـدير ميـّت بـخوفه

ياشيعي مهظوم دمنه
ياشيعي مهظوم دمنه