إعـــــــلان

**الحركاني** · 29-08-2006, 05:24 PM

المشاركة الأصلية بواسطة الحركاني

حمامه الروح ومضيعه وكرهه

ولون بيدي اكضنهه و كرهــه
اليحبني انه احبنـــــــه وكرهه

الكرهني وما احـــبه للمنيـــه

سيد حليم انتظر الرد

السلام عليكم
اسف هناك خطئ في الشطر الثاني والسبب في الطبع ويكون الجناس وكرهه
لان النون زائدة

**ضايج من الغربة** · 29-08-2006, 05:30 PM

يلوكَ عليج المخطط وساده
الج دلالي لو نمتي وساده
اريد انخه كل اليمه وساده
وتصيرين يفلانه اليه

تحياتي

**الحركاني** · 29-08-2006, 05:36 PM

المشاركة الأصلية بواسطة الهلالي2[SIZE=4

]ألى الاخوان هذا البيت من ألابوذيه:[/SIZE]

لا اسمع لا أرى لا أشم ولا اجيب
وترك متروك لا أودي ولا أجيب
شبه سترة بلا ياخة ولا اجيب
بلا يردان مامش نفع بيه

أخوكم الهلالي2

الاخ الشاعر الكبير الهلالي سلامي وبعد
اليك هذا البيت

أون ماونت الخنســــــه كأني
وألوج الصبر لحم احمر كأني
اليصد حالي بجفه خلي كأني
هيكل عظمي شاخص عالوطيه

تحياتي ايها العملاق

**سعد خلف** · 29-08-2006, 10:38 PM

اليك ياحركاني كما طلبت ان اضع موضعا
وعلمت هذه الليله انك من الكوت
فاليك هذه الابوذيه

لذع قلبي ابجمر حرك وكوتك
وتظن مايشبه ابشعرك وكو تك
راس اعالعقب حيك وكوتك
اكلبنه ونه ابن الناصريه

ارجو ان يكون الجاس مفهوم
هذا مستواي اخي ارجو قبوله

اخوك
الهفهاف

**الحركاني** · 30-08-2006, 12:10 AM

المشاركة الأصلية بواسطة الهفهاف

اليك ياحركاني كما طلبت ان اضع موضعا
وعلمت هذه الليله انك من الكوت
فاليك هذه الابوذيه

لذع قلبي ابجمر حرك وكوتك
وتظن مايشبه ابشعرك وكو تك
راس اعالعقب حيك وكوتك
اكلبنه ونه ابن الناصريه

ارجو ان يكون الجناس مفهوم
هذا مستواي اخي ارجو قبوله

اخوك
الهفهاف

اخي العزيز الهفهاف
شكرا لكل حرف وليس هناك فرق بين الكوت والناصريه وكل شبر من ارض الوطن
فأنت اخي وحبيبي واتقبل منك هذا البيت بكل رحابت صدر

اهديك
بيتا اعتز به كثيرا

برمش عيني اندهك وتبرك (وانت بالرفس اي الدفرات؟)
وروحي اتطوف شخصك وتبرك
أنه بياحظ ابرك وتبرك
لغيري بياذنب عقيت بيه

شكرا مرة اخرى لعودتك معنا
وعلى راسي حبيبي
اخاك الحركاني

**الحسيني مناف** · 30-08-2006, 01:22 AM

المشاركة الأصلية بواسطة الهلالي2

دموع العين يامدلول هليت
ألك يالجن بدر عل الخلك هليت
رف كلبي وجميع أعضاي هليت
فرح من يوم شخصك بان ليه

أخوك الهلالي2

مع الاعتزاز اخي الهلالي جوابي

احلفنك من تصد اصدِ اليه
انا البكَليبي صادو صيد اليه
وصيرلك طبيب وصيد اليه
المهم انت تطيب وعلتك بيه

اخيك
مناف

**الحسيني مناف** · 30-08-2006, 02:04 AM

المشاركة الأصلية بواسطة أبــو مصطفــى

مع الأسف والله
الأبوذيه هذا الصرح العالي والتراث الموروث نراه اليوم بهكذا مستوى متدني
أخي الحسيني اتوسل اليك ان تكف عن كتابة الأبوذيه
ولااقول سواها فأنت لست اهلا لها رجاء رجاء

ابو مصطفى بعد ما احترمك وتقبل القليل من الكثير حتة تكف انت ومن معك
وعندما تقول شيء اخر فلك

اذا طبع الشرف مابي حملكم

روح انشد على اهلك من حملكم

اذا طاهر تعال احجي بحملكم

سولفلي على جدك يا اهو ابيه

**زينب5** · 30-08-2006, 02:21 AM

الموضوع رائع جدا وبصراحة المشاركات كل وحدة اجمل من الثانية ..... نريد ان نقرأ لكم جميعا ونطالبكم بالمزيد والجديد دائما ......

بارك الله بكم جميعا ووفقكم لكل خير ......

**زينب5** · 30-08-2006, 08:28 PM

اسفة ان كنت سأقتحم عالمكم........ لكن عندي ابيات ابوذية اعجبتني كثيرا ورأيت انها تتناسب كثيرا مع منتديات يا حسين فأحببت ان اكتبها لكم لتستمتعوا بجمالها وروعتها .............

ملاحظة : الابيات ليست من تأليفي لكنكم قريبا ستسمعون ما يسرّكم مني انشاء الله ...

الابوذية تقول :

...........................................حسيناه ...............................................

حب حسين بالمرضع حسيناه ..... " اي رضعناه "
يجري وية النبض بالدم حسيناه.. " اي احسسنا به "
ابد والله ما ننسة حسيناه ......... " الحسين "
نعيش نموت وي ابن الزچية .......

بارك الله بكم جميعا ...

**ضايج من الغربة** · 30-08-2006, 08:29 PM

روحي تلفلفت بمزويتك وشالك
منو كَبلي حضن صدرك وشالك
ومنو حجه براسك و وشه الك
ريته نهاره وليله يون سويه

تحياتي
ضايج من الغربة

**سعد خلف** · 31-08-2006, 11:16 AM

المشاركة الأصلية بواسطة الحركاني

اخي العزيز الهفهاف
شكرا لكل حرف وليس هناك فرق بين الكوت والناصريه وكل شبر من ارض الوطن
فأنت اخي وحبيبي واتقبل منك هذا البيت بكل رحابت صدر

اهديك
بيتا اعتز به كثيرا

برمش عيني اندهك وتبرك (وانت بالرفس اي الدفرات؟)
وروحي اتطوف شخصك وتبرك
أنه بياحظ ابرك وتبرك
لغيري بياذنب عقيت بيه

شكرا مرة اخرى لعودتك معنا
وعلى راسي حبيبي
اخاك الحركاني

الاخ العزيز الاستاذ الحركاني رعاكم الله بمنه واحسانه
لاتؤاخذني عزيزي الفاضل
سرعان مااغضب وسرعان ما اهدىْ
وكلامي كان للمداعبه
فارجو المعذره
وشكرا جزيلا لهديتك الرائعه
وتقيل هديتي المتواضعه

لعازة الخوان مردم منهل اني
وهللي وفاك بابي من هلاني
ربيت اني اعالمكارم منهه لني
صرت مجهوب باسطهه اديه

اخوك
الهفهاف

**راجع الكم** · 01-09-2006, 12:30 PM

بما أنه أنا صاحب الموضوع أقول :

لنبدأ من جديد وأرجو عدم
الخروج عن الأبوذيات لأي سبب من الأسباب

وللمرة الأخيرة ...

واهدي للجميع :

حزن الدنيه حصه هــواي .. بهلي
ودوم يصيــر وكتي وياي .. بهلي
الذنب مو بيه كل الصوج .. بهلي
أمي بمشكلة متنسية بيه

شكرا ً

**كاظم اللامي** · 02-09-2006, 08:48 AM

علامج توحشين الوحش يادار
وهلج جانوا خزاين مصر يادار
اشوف الفلك بالمكلوب لودار
البوم يصيح والحر اختفة
---------------------------------------
هذا الابو ذية من المأثور القديم وقد كتبته
لاعجابي به

**أبو عبد العزيز** · 02-09-2006, 08:24 PM

جواب أبوذية الأخ راجع الكم
الذنِب يا راجع الكم ماهو بهلاك
إذا تـنكر فـضلـهـم إنـتـه بهلاك
إبحـث لـيش وكـتـك بـيك بهلاك
يمكن ناسي و اسرارك خـفـيَّـه

**سعد خلف** · 06-09-2006, 08:56 PM

الاخ الفاضل راجع الكم
اقدم اعتذاري اخي العزيز فقد تجاوزنا كثيرا على موضوع

ولك ولجميع الاخوان هذا البيت

زغير انه وجنت ياصاح وحبي
عليه الباري من بالطاف وحبي
بعشقي لمصطفى وكرار وحبي
لبضعة رسول الله الزجيه

اخوك
الهفهاف

	المواضيع		إحصائيات	آخر مشاركة
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, 02-05-2025, 07:21 AM		ردود 2 13 مشاهدات 0 معجبون	آخر مشاركة بواسطة ibrahim aly awaly 02-05-2025, 07:23 AM
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, 02-05-2025, 09:44 PM		استجابة 1 12 مشاهدات 0 معجبون	آخر مشاركة بواسطة ibrahim aly awaly 02-05-2025, 09:48 PM

إعـــــــلان

للاشتراك في (قناة العلم والإيمان): واتساب - يوتيوب

الى الاخوان في المنتدى(مناضره في الابوذيه)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين