إعـــــــلان

**الحركاني** · 24-10-2005, 10:40 PM

ادري بثدي المصايب يدر ليك
وحرت بيمن تصد بيهن يد؟ارليك.
احضنك موش بس وجهي يدر ليك
لان جدك علي حامي الحميه

شكرا سيد[/align][/size][/color][/glow][/QUOTE]

**الحركاني** · 24-10-2005, 11:00 PM

جرحك ياعلي بالروح ماطاب
وغيرك الي بكل بالكون ماطاب
اني ادري ابعمر ملعون ماطاب
ابجنتك جيه غصب حك الزجيه

**حليم السيد حافظ** · 25-10-2005, 08:19 PM

نظم جديد للأبوذيه

قد أكون أول من طرق هذا الباب من النظم الشعري للأبوذيه أو أكون متأخرا به ولكن هذا ماأستطهت أن أنشره عله ينال استحسانكم
مع الود

الى العتره أمد أيدي وجدي **** يلنهم للكرم بيرغ ورايــه
أريد أطلب صدك منهم وجدي *** يعينون الفكد رشده ورايه
دوك إحضر يبو اليمه وجدي *** وأنصر كلمن يردد ورايــه
علي الطيبات شانك عالبريه

**راجع الكم** · 26-10-2005, 02:23 PM

الاستاذ الفاضل والعم الحنون
حليم السيد حافظ
السلام عليكم ورحمه الله وبركاته
جميل ما توصلت اليه من
فكره فيكتابه الابو ذيه وانها رائعه
مثلك يا رائع
واهدي اليك الان هذه المقطوعه

اشكثر بالي مننامن بيك يحليم
يالصابر على الشدات يحليم
دوم اسمك اردد بيه يحليم
وحك الي اله هالناس سيد (سجد)
حبك على كل مخلوق سيد (اساد)
لانك موش من لعوام سيد
ودخيلك لان للطيبات حافظ
واسم الشر نسيته وخير حافظ
الف رحمه لبوك الشهم حافظ
جيفن خلفك يا عمو اليه

شكرا جزيلا

**على الجريح** · 26-10-2005, 07:36 PM

السلام عليكم ورحمة الله وبركاته ,,,,,,,,عذرا اخوتى عن تاخرى فى اليومين السابقين لا نشغالى,,,,,,,,,,,,,,,,,,

بطبر حيدر على هدموا على دار
طحت والزمن دولبنى على دار
بهاى المحنه لو حاضر على دار
طمس عين الغزات الخارجيه

,,,,,,,,,,,,,,,,,,,,,,,,,,,,,,,,,,,,,,,,,,,,,,,, الى اخى السيد حليم مع التحيه

**على الجريح** · 29-10-2005, 07:34 PM

المشاركة الأصلية بواسطة الحركاني

الاخ الجريح نشكر تواجدك معنا (بيت )جميل وماجور عليه
اليك الرد

center]جفي ايدك عله صدري ورماه(حتى تورم)
ونوح اعليك جاليبجي ورماه(وراء امه)
الصوب نعشك ابسمهمه ورماه(الرمايه )
مثل ماصاب نعشك فتك بيه

[/glow]

الجريح واليك هذا الابوذيه خصيصا ارجو ان ترده ممكن

]مايك لاتخبطه صفه كتلك(اجعله صافيا)
وكل همك ابكلبي صفه كتلك(صفطه )
خنت وياي انته صفكتلك(التصفيق)
وشكرت الله الكشف سرك اليه

ارجو الرد يابو اللغوزه
[/grade]

صفيت ومالكيت الصفه مناك
انه احتاج اخو محتاج مناك
مثل طعم السمج بالماى مناك .....الطعم اللى يرميه الصياد؟؟؟؟؟
تجى تضوكه ويصيدك هاى هيه

.............................تحاتى خادم الحركانى

**على الجريح** · 29-10-2005, 07:39 PM

المشاركة الأصلية بواسطة الحركاني

جرحك ياعلي بالروح ماطاب
وغيرك الي بكل بالكون ماطاب
اني ادري ابعمر ملعون ماطاب
ابجنتك جيه غصب حك الزجيه

جرحك ياعلى بالروح ميطيب
وغير اسمك على للروح ميطيب
روح الدين انته الدين ميطيب
بطبر هامك على هاى الرزيه

..................................تحياتى خادم الحركانى

**على الجريح** · 29-10-2005, 07:46 PM

المشاركة الأصلية بواسطة الحركاني

اهلا بك ايها الجريح معنا
رغم انني لم افهم البيت وكلماته مبهمه
اعتقد السبب في التلوين والطبع
واهديك هذا الرد على اسمك ياجريح

دليلي من الوكت مصيوب ويريح(وجريح)
لاجن مامش صديج اليوم ويريح(ويسعد ك في صحبته)
انه حظي رماد انثر ويريح( مع الريح)
اشيلمه ياخلك انوب اليه
واني منون
........

الليالي الغيرنه تراوي حسنهه جمالها
وعلى الماله بخت بيهه حسنهه احسانها
لجن من انولد بـــــهه حسنهه الحسن عليه السلام
نسيت شمر علي منهه اذيه

احسنت حلو بس القفل مافهمته اليك ردي

اجفوفي الدمع من خدي حسنه(مسحنه)
بولادة سيدي الطاهر حسنه(الاامام الحسن(ع)
شيعه وحبنه للعتره حسنه (جمالنه)
لان حبنه العلي نحمله هويه

شكرا لتواجدكم ويالله ياشعراء تراهه حلت
شاعركم الصغير

ششد جرح الوكت تنطك اله يروح
خوه عودى وصفت شده اله يروح
مانى بعازة اليبكه واله يروح
مادام اغدرت باهل الحميه

....................................تحياتى خادم الحركانى

**الحركاني** · 30-10-2005, 12:43 AM

المشاركة الأصلية بواسطة على الجريح

ششد جرح الوكت تنطك اله يروح
خوه عودى وصفت شده اله يروح
مانى بعازة اليبكه واله يروح
مادام اغدرت باهل الحميه

....................................تحياتى خادم الحركانى

رغم ان هذا البيت قديم ولكن سوف ارد عليه واني ممنون

العمر ياصاح مر فتنه وشده
عباره عن جرح اده وشده(القيح)
الكلب مسرود ما اضمده وشده
وذا يلتام اشكنه بديه

28/10/2005تحياتي ياجريح واني خادم

**husseinaliraq** · 30-10-2005, 04:59 PM

اللهم صلي على محمد وال محمد

**الحركاني** · 30-10-2005, 06:07 PM

عله ال النبي سلم وصلي
حصني وفن ابو مره وصلي
همه العروة الوثقه وصل لي
بيني وبين ربي للمنيه

اين شعراء الابوذيه

**على الجريح** · 31-10-2005, 07:04 PM

المشاركة الأصلية بواسطة الحركاني

رغم ان هذا البيت قديم ولكن سوف ارد عليه واني ممنون

العمر ياصاح مر فتنه وشده
عباره عن جرح اده وشده(القيح)
الكلب مسرود ما اضمده وشده
وذا يلتام اشكنه بديه
8/10/2005تحياتي ياجريح واني خادم

اشده من تشكه انه بديه
احبك محصلت منى بديه
ارتجالى الشعر مادوره بيديه (بجديه)مصطلح جنوبى
تشك بيه يخويه وتشك بيه

,,,,,,,,,,,,,,,,,,,,,,,,,,,,,,تحياتى خادم الحركانى

**على الجريح** · 31-10-2005, 07:12 PM

المشاركة الأصلية بواسطة الحركاني

عله ال النبي سلم وصلي
حصني وفن ابو مره وصلي
همه العروة الوثقه وصل لي
بيني وبين ربي للمنيه

اين شعراء الابوذيه

على ال النبى وحبهم صلانى ...اصلى انى
سورى وفن ابو مره صلانى
همه الثقل الاكبر والصلانى ...والوصلونى

الجنه وضيم مايعبر عليه

,,,,,,,,,,,,,,,,,,,,,,,,,,,,,,,,,,,,تحياتى خادم الحركانى

**على الجريح** · 31-10-2005, 07:51 PM

المشاركة الأصلية بواسطة الحركاني

الاخ حليم ماهذا
روعهههههههههههههههههههه
[grade="00BFFF 4169E1 0000FF"]من طيليكم
انه كلهن بديه منطي ليكم
وسئله انته يصاحب منطي لي كم
السبب ياصاح كله من طليكم
نطحني وضحك الوادم عليه[/grade]

عراقى وابى وصابر منطى لانه....ماانطى لينه
وهمونه بجذب ابكع منطلونه....صبغونه
صرت معرف طليهم منطلانه

الحجى بيد الاهل لو الاجنبيه

**على الجريح** · 31-10-2005, 07:58 PM

المشاركة الأصلية بواسطة راجع الكم

[SIZE=20px]

زماني بشرك شائك حايطاني
نطيته وجذب مره حايه طاني
هاي شبيك قابل حايط اني
بساميرك بديك ادك عليه

[/size]*********************

اخوان صفكو لان طلعت روحي
ههههههههههههه

زمانك ويه عقلك حايط انته
اهواى احوال تعرف حايط انته
ادرى البيك وانته حايط انته

لسانك كضه لتروح بهبيه

	المواضيع		إحصائيات	آخر مشاركة
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, 02-05-2025, 07:21 AM		ردود 2 17 مشاهدات 0 معجبون	آخر مشاركة بواسطة ibrahim aly awaly 02-05-2025, 07:23 AM
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, 02-05-2025, 09:44 PM		استجابة 1 12 مشاهدات 0 معجبون	آخر مشاركة بواسطة ibrahim aly awaly 02-05-2025, 09:48 PM

إعـــــــلان

للاشتراك في (قناة العلم والإيمان): واتساب - يوتيوب

الى الاخوان في المنتدى(مناضره في الابوذيه)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين