إعـــــــلان

**الحسيني مناف** · 30-06-2006, 04:30 PM

اخواني الشعراء اخواتي الشاعرات حياكم الله اليكم الابوذيه المستحدثه
من مثلي ياهل ناس من يحجي ينحب
من مثلي ياهل ناس من يبجي ينحب
من مثلي ياهل ناس ثوبي انه ينحب
وركَدت بين الناس مكَطومه اديه

**حليم السيد حافظ** · 01-07-2006, 12:42 PM

مناظرات جميله
ننتظر المزيد
وأنا أرى بأن الهفهاف بارع حقا في الأبوذيه

**خادمة بطلة كربلاء** · 01-07-2006, 06:57 PM

بسمه تعالى
السلام عليكم ورحمة الله وبركاته

وينكم يالي هجرتونا ورحتوا عنا
وينكم يالأحباب
إرجعوا ورجعوا الذكريات وياكم

يا أحلى أعضاء بأحلى منتدى

سفرتي طالت يا سمرا وضني مراجع

والمسألة صعبه عليه وتتطلب مراجع

وأنا الكتاب ما افتح وعمري مراجـع

وسُكر يرتفع عندي وضغطي فاض بيه

صرت مريضة وقريبا عالقبر هاي من فراقكم لقسم الشعر ههههههههههه

**الحسيني مناف** · 02-07-2006, 03:59 AM

عن حال ام تقف مخاطبه لقبر ابنها في المقابر الجماعيه

يابني

الك عتبه بزمن طابوكَ يابني

رحت عني ودمع بلعين يابني

اطالب بربه ولا خثر لبني

تاليتك ترابات تثرمت بديه

***
الحسيني

**الحسيني مناف** · 02-07-2006, 04:12 AM

انــــــــــه

الراح ابني من اديه ومسعده انــه

اوطركَ يبني الحزن يمه شــجـ انــه

تعال وشوف عكَبك هلعمـــ اــنه

يلجنت عيني وشوفك انته بيـــه

الحسيني

**الحسيني مناف** · 02-07-2006, 04:20 AM

بالــــه

امشي عليكَ يبني النبي وبــاله

ونه المكَسور كَلبي ومنشده بــاله

تهدم ونسحكَ بعث الزبــــــاله

واخذ بثار الاخذ ابني من اديه

***

الحسيني

**الحسيني مناف** · 02-07-2006, 04:35 AM

وناشد

رخه وكَتي عليه وجيت اناشد

افر وسط المقابر حسره اناشد

على وليدي اريد اسأل واناشد

ومن يدليني عليه بهل مسيه

***

الحسيني

تعريف الجناس .

الاوله: شد

الثانيه:نشيد ونين

الثالثه:تنشد

**الحسيني مناف** · 02-07-2006, 04:52 AM

ويمنـــــــــه

صفكَت اخماس بليسره ويمــــنه

تمنيت انه اموتن ونت يمنــــــه

يلصرت ونتي وحسرتي ولا يمــنه

المصايب يبني موش انه خطيـــه

***

الحسيني

اعتقد الجناس الثالث واضح ولاكن لتوضيح اكثر.

الثالث:اتلايمن الونه ولحسره ولمصاب (لايمنه)

**كاظم اللامي** · 03-07-2006, 09:09 AM

ما اروعك اخي الحسيني مناف في الابوذية بارك الله بيك

**الحسيني مناف** · 03-07-2006, 06:50 PM

الاخ الشاعر استاذي الفاضل اللامي

منكم نغترف الابداع مع التحيه ولاحترام وشكرا على كلامك العطر الرائع ولمبدع

تحياتي لك اخي الكريم وهذا ابوذيه اهديه لك عن حالي .
اخوك انـه اوعله الطيب دمع ونـ

صرت راحــل بعيد وما عرف لا ونـ

اذا واحــد تبدل خويـه بل ونـــ

جا حكَــه البعث وحده اشراكيه

الحسيني

الجناس الاخير رقم 1 في (الانكليزي ون)

**سعد خلف** · 04-07-2006, 08:55 PM

الاخ الفاضل حليم السيد حافظ
شهاده من مثلك اعتزبها
ولكم وللقارئ هذا البيت عسى ان ينال رضى الجميع

خلصنه

ذبح تفخيخ ياوادم خلصنه
ابسبب للدين واليمّه خلصنه
يصاحب بالفرج عجل خلصنه
طغيان وظلم عم البريه

تحياتي للجميع

الهفهاف

**خادمة بطلة كربلاء** · 05-07-2006, 11:18 AM

بسمه تعالى
السلام عليكم ورحمة الله وبركاته

شكراً شباب وعساكم القوة

الهفهاف .. هاي الاسم من وين جبته وشنهو معناته

ج_جروحي حار فيها اكبر طبيب اوما وصفها

ر_راد الطبيب أيقول خل نيتك بيضه وصفها

و_وأنا صاير عجوز اخذ لدويه عندي وصفها

ح_حرام اخذ دوا وانت يا بعد عمري دوايـه

الحياة كله ألم وجروح ويكفي عذاب الروح مايلقاك

**سعد خلف** · 05-07-2006, 11:58 AM

الهفهاف بن المهند الراسي، من البصرة ، حين سمع بخروج الحسين ، فسار حتى انتهى إلى العسكر بعد قتله فدخل عسكر عمر بن سعد، ثم انتضى سيفه، و قال:
يا أيها الجند المجنّد*** أنا الهفهاف بن المهنّد*** أبغى عيال محمّد
ثمّ شدّ فيهم.
قتل بيده ما قتل، فتداعوا عليه خمسة نفر، فاحتوشوه، حتى قتلوه، رحمه الله تعالى.
اختي الفاضله خادمة بطلة كربلاء هذا ملخص ماطلبتم
واليكم وللقراء الكرام هذه الابيات بحق بطلة كربلاء

ورثها

مصايب صارت الزينب ورثها
عهد من السقيفه الها ورثها
ابيا كلمه اخاطبها ورثها
مصايبها تحير اعقول هيه

على لسان حال الحوراء تخاطب امها الزهراء عليهن السلام

الامانه ردت ابصدره ونحره
بعد خدري السلب ليه ونحره (ونه حره)
صفت ظلمه الدرب ياهو ونحره
بعد احسين يايمه وخويه

تحياتي للجميع
اخوكم الهفهاف

**خادمة بطلة كربلاء** · 05-07-2006, 12:37 PM

بسمه تعالى
السلام عليكم ورحمة الله وبركاته

الهفهاف .. شكراً عزيزي على هذه المعلومة الرائعة وانا أول مرة اسمع عنها صراحة وموفق وان شاء الله تكون من انصار الحسين وأهل البيت عليهم السلام

احبابي اشلون حالتكم بعدنا
اشبدينا والهوى عنكم بعدنا
اذا انتو نسيتونا ترى احنا بعدنا
ابذكركم ابكل صباح وبكل مسية

**سعد خلف** · 05-07-2006, 01:17 PM

[QUOTE=خادمة بطلة كربلاء]بسمه تعالى
السلام عليكم ورحمة الله وبركاته

الهفهاف .. شكراً عزيزي على هذه المعلومة الرائعة وانا أول مرة اسمع عنها صراحة وموفق وان شاء الله تكون من انصار الحسين وأهل البيت عليهم السلام

[SIZE=2][FONT=Arial][SIZE=20px][COLOR=red][B
اختي الفاضله خادمة بطلة كربلاء رعاكم الله
ممنونين وبخدمة الموالين

لوله احسين لاكعبه ولا اسلام
وضل الناكر ابغيه ولا اسلم
رضيعه ماخلص منهم ولا اسلم
عطشان انذبح بحضين ابيه

الهفهاف

	المواضيع		إحصائيات	آخر مشاركة
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, 02-05-2025, 07:21 AM		ردود 2 13 مشاهدات 0 معجبون	آخر مشاركة بواسطة ibrahim aly awaly 02-05-2025, 07:23 AM
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, 02-05-2025, 09:44 PM		استجابة 1 12 مشاهدات 0 معجبون	آخر مشاركة بواسطة ibrahim aly awaly 02-05-2025, 09:48 PM

إعـــــــلان

للاشتراك في (قناة العلم والإيمان): واتساب - يوتيوب

الى الاخوان في المنتدى(مناضره في الابوذيه)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين