العوز والفاقه صارت عــــذر
ولزلة الجدم ناخذها تبريــر
الفكر تاه وضاع الديــــــن
بأسم التحرر وخدمة التطويـر

عاشت الناس وي كل الأفكـــار
منها اليحط ومنها اليطيـــر

يغافل هاي دنيتنا زغيـــره
شما طال بيها العمر يبقى كََصير
حوت كل النــــــــــــــــاس
بين ضلوعها بحسن تدبيــــــر

خير وفيّض اعله الخلــــــــق
بفضل من الله القديــــــــــر

سفره وحده النا بيهـــــــا
وغير وحده ماتصيــــــــــر
العبره شلون نطويهــــــــا
وبالآخره بحملك ماتحيــــــر
يا زاد اللازم تلمـــــــــه
من يصيح ساعتها النفيـــــر

كتاب الله جـــــــــــــوازك
والمصطفى وسيرة التنويــــر
وبسفينة النجاة الحـــــق
والي اللي تبلغ بيوم الغدير
وياهم تصح صلاتك والعمــــل
وبالقبر ماتخشى منكر ولا نكير

تره الحادعن هاي السبــــل
دنيا وآخره يمشي ضريـــــر
صفي عقلك واعرف انت ويـــن
يللي سفرتك كلش عمرها زغير