بسمه تعالى
السلام عليكم ورحمة الله وبركاته


إخترت لكم هذه الكلمات من الشاعر كاظم اسماعيل الكاطع

بالغربــــــــــة
شفت التعب وتعلمت معناه
وتعلمت السهر
والسكتة والصفنات
ذليت ذل النهر من ينگطع مجراه
واعرفت .. كل شي عرفت
حتى النخل ينحني
الريح السفر من يجي
وجايب غريب وياه

• **
الله يا هالوطن شمسوي بيه الله
نيرانه مثل الثلج
كلما تدك الضلع .. ابرد وكول اشاه
• **
اللي مضيع ذهب بسوك الذهب يلگاه
واللي مفارك محب
يمكن سنة وينساه
بس المضيع وطن
وين الوطن يلگـــــــــــــــــاه
اه يا وطن يا خبز .. يا لشارتك تگتل
يا وطن يا زفة قمر
ونجوم إله تهلهل
عذبني .. ما عذبك
أگتلني .. ما اگتلك
طبع اليحب ينكتل .. موش اليحب يگتل
• **
اه يا وطن يا جذر
والجذر طبعه قوي
بالريح ما يجفل
اه يا وطن يا جبل
ياجبـل ياجبـــل

والجبل من عادته
لو مات من العطش للوادي ما ينزل

والجبل من عادته
لو مات من العطش للوادي ما ينزل

• **
علمني الفراگـ
اعزف لحن غربتي بقيثارة اشواك
واسهر واحن وانفعل واتمنى واشتاگـ
علمني الفراگـ
ما مش مثل ديرتي ولا نلگة مثل عراقنا
عــــــــــــــــــــــراق



إن شاء الله تعجبكم