بمناسبة اربعينية شهداء جسر الأئمه اتقدم بالتعازي الى امام العصر والزمان بزوار جده الامام الكاضم عليه السلام والى الأمه الآسلاميه جميعا
ــــــــــــــــــــــــــــــــــــــــــــــــــ ـــــ
حجايات ارد اسولفلــك
وما انتظر منك جوابات
وأطلب العذر لحظه منك
وآنه بغربتي احبس العبرات
ياجسر .. مر أعليك الفلك
وأنتهتك بيك العمر ساعات
إنثنى ظهر المحن بيك
لمن ضاق حرورة الآهات
آهات بسواجي الروح تفرك
صرخت من طلع صوت المحرمات
صدكَ ياجسر ما شلت حملك؟؟
وتاريخك يشهد بالمهمـات
لو هذا القدر تموت عليك
كل مره جسوم الطاهرات
لجلجت عيني من شفت مايك
يصير اللحد وجفانه العبايات
هم يجي يوم وأجي يمك
واعبر عليك بحزن مرات
مو حزني عل المات وغرك
حزني عل الما شاف الزيارات
عشكَ الموالي ما مثله عشكَ
أتصوره من يطبر الهامات
أنت قطعه ياجسر نطويك
وأنت وحده من الاف المسافات
تدري أدروب شكثر كَبلك
كَبلك كربلا غطت بالدمايات
وأحنا من ذاك الوكت نضحك
وبوجه النواصب نرفع الرايات
شنهي قيمة الدم لو ماسفك
وصار بيرغ احمر عل المقا مات
هنيالك ياجسر مبروك
جددنا بيك العهد وزودناالمنادات
ونصير انزور من فوكَك
للكَبتين نسلم واربع منارات.
ـــــــــــــــــــــــــــــــــــ
الفاتحه الى ارواح الزائرات من مدينة الصدر