بميلاد الحسن شعت الانوار
ومن وجهه البهي اتوضحت الاسرار

الليله ابيت حيدر فرحه وطيف نور

بهاي ليلتنا ياشيعه انزف عليكم هالبشاره
رابع اصحاب الكساء وعالجمع هلت انواره
نوره من نورين اصله منهن اتكون قراره
واحد يمثل حيدره والثاني من الطاهره
وانبثق منهن مفخره من العلي حصل صداره
يانعم الاصل والفخر والجود
اثاره الزهد والكرم مشهود
ياسبط النبوه الليله هل سموه


استقبلت مني العقيده تاج واعلام الامامه
انفتحتلها ابواب روحي وصار بكليبي الاقامه
والشرايين استعدت تهل دمها بكل شهامه
واعضاي كلها اعلنت للحسن بالحق اقتدت
للموت وياه حتمت والولاء اكبر علامه

يانبع المجد ياسبط احمد
الليله بمولدك الحق تايد
هاي ارواحنا اتذوب من حبك يامحبوب

شبحت اعيوني الليله بوسط هذا الشهر شافت
والسمه محله نجمها تضوي وعلينه تلالت
والبدر باحلى تمامه بنوره كل ظلمه تلاشت
الشهر شهر المغفره العينين تبقه مساهره
وللحسن كل فكري سره روحي بتاريخه غارت

بكل صفحه اجد نوره يلالي
بافاقه المجد لتظن اغالي
تاريخ اله مشهود مايد من المعبود

لوجنت تايه وغافل وبالذنوب انعمت
قوم شاركنه بالفرحه ولايظل تايه دليلك
والتزم عروة الوثقى وحدد الليله مصيرك
اعتقد يلله اعتقد وللحسن ماخاب اليود
واليه تعلو بالمجد وعيش باعتابه سنينك

حكم هالعقل تعرف مصيرك
وارجع للاصل يوضح طريقك
شان اللي يوالي يعلو بالمعالي


جنه روحي رفت بجو حلت بوسط المدينه
ويانسيم المر عليها صارت باحلى سكينه
والمعاني اتفوح منها وقلت هذت الوعد عينه
جني بجنان زاهيه تروي القلوب الضاميه
اتفوح العطور الزاكيه ورحمة الباري علينه

من المجتبى الليله سعدنه
وايات الوله الليله روتنه
والناصبي وينه خل تندحر عينه