تويت
أيمائتان وقصيده الى أسد الدهر
حبيناك حيدر بس تعبنه اهواي = وتحملنه الذبح باشكاله وفنونه
ودورنه أبدالك مالكينه احباب = ياهو اليستحق وننذبح دونه؟؟
ولوما إنت كدها وكسّريت خشوم = محمد ماقبل تصعد على متونه
----------------------------------------------------------
مرات الشجاعه تخونها البيبان = ويعصي الباب محد يفك مصراعه
بس حيدر علي مايعصي بيده الباب = لان الباب كه يشلعه من كاعه
-----------------------------------------------------
----علي صوت وسجود وسيف وكت الضيج = وعلي خبزة يتامه ودمع سالفته
والينكر علي ماعندي شي وياه= بس خل يسال أمه منين جايبته؟؟
هذا الجف الاول والبنه الاسلام = غيره شكثر عدنه جفوف هادمته
وهذا المن يهد تنحني لسيفه اركاب = ابو سيف الفقار الكلها هايبته
وهذا النذر عمره وصوته للتاريخ = تلتم السنين وتلبد بكبته
انه ادري بعلي عاشكته شمس اللّه = بس لتكلي ابو سفيان عاشكته
تكلي شلون باب الحصن بيده يطيح !!= وهو باب الحصن معروفه سالفته
واكلك مو علي الطيّح بجفه الباب = أهي خطفة مهرته الباب شالعته
من مسيجد لمسجد جسمه ظل يدور = ومن موت و ولاده اتخلدت قصته
لتكلي مجرد بشر مثل الناس= كل عقلك بشر والكعبه والدته؟
جاي تريد اسمه من الاذان يطيح =وعلي لو بيدك اسم الله طيحته
اسمع هم اكلك شيله كون تريد = مايحتاج حيدر تذكر اسمه انته
ولك هو الجبل يايوم جده الماي؟ =اهو ماي المطر يتصابح بكصته
حرامي من الشمس معروف عدنه يخاف= جي طبع الشمس بالبوكه فاضحته
ولان حيدر شمس تخجل يضل وياك = خاف يشع ضواه ويفضح البكته
إذا نحسب زلم بعد النبي الكرار= تشهدله الحرب والمحن عارفته
وإذا نحسب زهد هو الخليفه الجان= خبز شعير يابس قوت عائلته
وعلم نهج البلاغه الماوصلّه انسان = بس قران ربك فوك مرتبته
واذا كل الحجيته وسولفه التاريخ = مااشبع غرورك والحقد عفته
بالعباس اكلك يظل حيدر سيف = غصبا فوك خشمك ردته ماردته
غصبا فوك خشمك ردته ماردته
ميثاق الهلالي
---------------
ودورنه أبدالك مالكينه احباب = ياهو اليستحق وننذبح دونه؟؟
ولوما إنت كدها وكسّريت خشوم = محمد ماقبل تصعد على متونه
----------------------------------------------------------
مرات الشجاعه تخونها البيبان = ويعصي الباب محد يفك مصراعه
بس حيدر علي مايعصي بيده الباب = لان الباب كه يشلعه من كاعه
-----------------------------------------------------
----علي صوت وسجود وسيف وكت الضيج = وعلي خبزة يتامه ودمع سالفته
والينكر علي ماعندي شي وياه= بس خل يسال أمه منين جايبته؟؟
هذا الجف الاول والبنه الاسلام = غيره شكثر عدنه جفوف هادمته
وهذا المن يهد تنحني لسيفه اركاب = ابو سيف الفقار الكلها هايبته
وهذا النذر عمره وصوته للتاريخ = تلتم السنين وتلبد بكبته
انه ادري بعلي عاشكته شمس اللّه = بس لتكلي ابو سفيان عاشكته
تكلي شلون باب الحصن بيده يطيح !!= وهو باب الحصن معروفه سالفته
واكلك مو علي الطيّح بجفه الباب = أهي خطفة مهرته الباب شالعته
من مسيجد لمسجد جسمه ظل يدور = ومن موت و ولاده اتخلدت قصته
لتكلي مجرد بشر مثل الناس= كل عقلك بشر والكعبه والدته؟
جاي تريد اسمه من الاذان يطيح =وعلي لو بيدك اسم الله طيحته
اسمع هم اكلك شيله كون تريد = مايحتاج حيدر تذكر اسمه انته
ولك هو الجبل يايوم جده الماي؟ =اهو ماي المطر يتصابح بكصته
حرامي من الشمس معروف عدنه يخاف= جي طبع الشمس بالبوكه فاضحته
ولان حيدر شمس تخجل يضل وياك = خاف يشع ضواه ويفضح البكته
إذا نحسب زلم بعد النبي الكرار= تشهدله الحرب والمحن عارفته
وإذا نحسب زهد هو الخليفه الجان= خبز شعير يابس قوت عائلته
وعلم نهج البلاغه الماوصلّه انسان = بس قران ربك فوك مرتبته
واذا كل الحجيته وسولفه التاريخ = مااشبع غرورك والحقد عفته
بالعباس اكلك يظل حيدر سيف = غصبا فوك خشمك ردته ماردته
غصبا فوك خشمك ردته ماردته
ميثاق الهلالي
---------------