اليوم جرحك ياعلي ينزف دمه
وكل قلب مصيوب ياحامي الحمه
.........
اليوم بمصابك علي الكون انفجع
ومسجد الكوفه ومحرابه انصدع
والصلاه تنعاك من دمك نبع
والارض تنعه مصابك للسمه
...........
بالسمه اليوم انصب ماتم حزن
والملاك اتنوح لمصابك تون
كل نبي دمعات عينه عل الوجن
والرسل اتواسي والد فاطمه
........
اليوم ايات الكتاب اتهل دمع
شلون راح اتغيب عنها ياورع
حزنت الصوتك بعد ماينسمع
بالسحر والناس كلهه نايمه
............
والكعبه تنوح اليوم واليقدس
والكمر ينعه مصابك للشمس
ياعلي ويعناك كل جن وانس
والقدر والروح ياحامي الحمه
.........
ياعلي اليوم انفجع قلب الحسن
وضطرب بين الظلوع وما سكن
ادموع عينه دم جرت فوك الوجن
داب جبده فوك جثتك ارتمه
.........
ياعلي وحسين ينعاك وينوح
امصيبتك اهون عليه من الجروح
من نظر ليك ولكاك ابلايه روح
يبس ثغره ومسته نار الظمه
........
ياعلي وزينب تصيح ابلا ولي
وغربتي غربه ابمصابك ياعلي
لوغبت عني بعد ياهو الي
واني من غيرك يبويه اميتمه
........
ياعلي واليوم اجتك شيعتك
وتبكي بدموع الحزن يم حظرتك
ياللي مفتاح النجات اولايتك
صك مصدق والرسول البخاتمه
............
ياعلي وياك نبقى اعله العهد
ومانخالف منهجك في يوم ابد
منهو مثلك وسط بيت الله انولد
والشهاده بمسجده البري اكرمه

نسئلكم
الدعاء منكم