هكذا قال الشعراء بحق الزهراء واكتبها شفاءا للمرضى
****
1_(الشاعر حسين ابو عراق)
اكتشاف النور منج جان يازهراءٍٍِّّّّّّ**بس ماكو العقول الواعيه بوكته
لا تاخذ رواة الشيعه خلهه بصوب**اخذ ياهو التريده وتستمع قصته
روايه عائشه باللــيل من تحوك**على وجه الزجــيه الخيط لاضمته
دفعت بالتي احن بيــوم الباب **وطرقت راسهه اعله الطاح ناظرته
ربك طاح مــحسن والتــهت وياه**لو ترفع اديــهه الكون كالبته
**************
2_(الشاعر زيد السلامي)
من حان الاذان ونيتج تـصلين**وانتي من الفقر عانيتي لهوايه
مصلايه الصلاتج جنتي متملكين**وامل عند السمه تحقق الج هايه
حب وطاعه نزلتلج ســماء الله**وفرشت روحـهه ابـيتج مصلايـــه
*************
3_(الشاعر وسام العكيلي)
ردت مره بخيالي ارسم الزهراء**ودفعتني العواطف ارسم بدقه
حرت لو رقه اسمج لو حلات البيج**صعدت عالقلم ونشكت الورقه
************
4_(الشاعر مهند السيد هاشم)
النساء بكل طبعهه الذهب والياقوت**والزينه ومظاهر كلنه ندريهه
والزهراء عكس الــوصف والــموصوف**لان اصل الجواهر من معـانيهه
خاتمهه اليزين جفــهه ام كلــثوم**وكلادتهه زيــنب ذهب صافـيهه
واذا كتلي التراجي زينه النسوان **الحسن وحسين بالزينه تراجيهه
***********
5_(الشاعرحامد الشمري)
اشتمه الي يكلك عوفه دمعك يوم**عالزجيه وهته اهله وناسه
لحباب الزجيه الدمع مسقط راس**ويا شريف يعوف مسقط راسه
**********
6_(الشاعر علاء ال ياسين)
ما قرر ابوج وزوجج كرار**من حيدر زواجج ربج القرر
واكرمن الج ربج بعث جبريل **بزفه منالسماء وللارض تحضر





وارجو ان تنال اعجابكم
شكرا