تويت
((عاشق الحسين (ع))
اتهيج الامي ....ابكل عظامي .......من اسمع اسمك يحسين
نار اظلوعي ....اتصير ادموعي....وجمرات اتهل من العين
تتفجر احزاني ابصدري .............يابو اليمه وافقد صبري
من اسمع اسمك يحسين
************
عشكتك يانبض قلبي ........وعله اعيوني انطبع رسمك
وهيم ابعالم احزانك ..................عليه من يمر اسمك
احس اجروحك ابجسمي ..........يالموذر قطع جسمك
وتبيد اعظامي واعصابي.. ......ويأذيني كسر عضمك
تفيض ادموعي بخدودي_.........ويصبغ عالمي دمك
وشوف ابعيني مأساتك............اواسي بدمعتي امك
أتوج نيراني .......وقلبي ايعاني .....أمن الامك ويون مفجوع
هم احزاني....... ايغير الواني ......من اعيوني اتصب ادموع
وسرح وي دمعاتي التجري ............يابو اليمه وفقد صبري
من اسمع اسمك يحسين
**************
يمهجة فاطمه اعيوني .............بخيال الواقع اتنظرك
وابد ما أنسه مأساتك..................كل لحظاتي أتذكرك
حتى ابنومي يالضامي..............طيف اعيوني تتصورك
تظل روحي عليك اتحوم,..............كأني كاعد ابكترك
انوح وعبرتي ابصدري...........وجمر ما ينطفي قهرك
تلهب ناري ....ودمعي الجاري.......أيهيج الام الروح
اتشت اعذاري......لن بفكاري....اتصور نحرك مذبوح
وبحالك يوم الطف ادري........يابو اليمه وفقد صبري
من اسمع اسمك يحسين
*********
مثل ماتنزف اجروحك.........دمعي اعله الوجن يجري
ومثل ماهشمو صدرك............اهشم باللطم صدري
ومثل ما سلبو اثيابك..........ودادك هالسلب فكري
وسهم اللي فطر جبدك.....امن اذكره ينحني ظهري
مصابك ماتمه ابعيني.........يظل منصوب كل دهري
اصور واقعك بالطف........يمولاي ابنظم شعري
ابعيني مصابك .....لن اصوابك.......جرحه ابقلي لاميطيب
سلب اثيابك ....سيل اخظابك......عن فكري هيهات ايغيب
ماتهفت نيراني وجمري .........يابو اليمه وافقد صبري
من اسمع بسمك يحسين
********
ذكرك ياذبيح الطف ........ يسامر عيني بالمدمع
وصوتك يالتريد امعين........صداه في قلبي يجمع
ثارك ما ابد ناسي ..............ظهور الغايب اطلع
انصره يالملكت الروح.......امامي ودونه اتقطع
حلم من صغري راودني..........احقق حلمي اتوقع
وحارب لجلك الطغيان ........كل عمري ولا اهجع
كلمن ظدك............ .يبغض جدك............ويهدم بركان الدين
واللي ايودك.......... ينصر ولدك.........وينصرك يالردت امعين
لجلك ناذر روحي وعمري ...........يابو اليمه وافقد صبري
من اسمع اسمك يحسين
******
اذا صوت المأذن صاح..................يسرح فكري وتصور
راسك عالرمح مرفوع.........................يأذن يا ابو الاكبر
جدك شيد الاسلام ............................وثبته ابدمه المنحر
اذن حبك فرض مولاي ...................امنذكرك حتمن اتفكر
اخدمك والاجر معروف ...................يوم احسابي بالمحشر
ولون اذنوبي تهلكني.........................الي ويه النبي تحظر
لجلك ربي ...........يغفر ذنبي .......تسقيني بايدك مولاي
يفرح قلبي ........لنك قربي..........وتنشف دمعة عيناي
ما احتار وياك بامري ...............يابو اليمه وافقد صبري
من اسمع اسمك يحسين
تعليق