تويت
شما خلوا سياجهم عالي عالبابج
وشما كثروا اجلابــــهم ارد الج
ارد وشايل كل حنين الوادم الج
ارد والشوك ماخذ ثلثين العمر
واصرخ ماترويني بس اميتج
ياكاع اهلنه يلبيج التمر والطيب
ياديرتي يمه الشمس والهوى
وياعشك مايخلص ولا تلفه مكاتيب
ديرتي يا هلهولة بحلك الفناجين
ودلة حاويه الدنيه كلها بطيب
يشبكني النخل وتشبكني النواعير
واصيحن رديت وبي كواشر فرح 1
واجر سركي عالباب الحزن والمصايب 2
واكولن ياغربة مليت من باجر وعكبة
مليت المحطات والمسافة الطويلة
مليت المواعيد ...
انه وياج ياديرتي انه عاشك وانتي الحبيب
ارد متحني ابصبري وشاد جرغد الاحلامي 3
جنج عروسة والي زفوج
وياعريس بيوم عرسه يغيب
انه عريس وقاط عرسي لبسته اهمموم 4
جه لني يولايتي غريب واحلم بيج
بس لابد ارد
ارد وشايل كل حنين الوادم الج
اخوكم
عقيل العراقي
1/كواشر ..هي السلة الكبيرة وبالعامية العرقيه
كواشر
2 / سركي.. هو قفل الباب
3/ الجرغد.. هي عبارة عن عصابة تعصب بها
المرأة الكبيرة رأسها
4/ قاط.. هي البدلة الكاملة اي الطقم
__________________