اللهم صلي على محمد وال محمد وعجل فرجهم


يا اخ حسين ما بعرف شو بدي قلك

انا ما بعرف فلسفة او ما بعرف اتفلسف متلك يا فيلسوف الفلاسفة المتفلسفين ..

يا خيي حسين الموضوع اكبر من تفكيري وتفكيرك .... يا عزيزي ان قادتنا الابطال هم عز وفخر لهذه الامة الصامدة في وجه التحديات ...

انا ما بدي اعمل محاضرة متلك يا حسون واخلط الحابل والنابل بكلام ما الو معنى ..

الوقائع على الارض وهيا الشاهد ...

الناس من جماعة ساحات العهر تفتح فمها علينا وتزمجر في كل دقيقة تريد ابتلاعنا , ولاكن الحمد لله انو عنا قادة يا حسون اشبه بالحصون المنيعة الاختراق ...


اما موضوع السوري ..

فنحن يا حسين كنا وسنبقى مع سوريا الاسد التي ساعدتنا ودعمتنا وقدمت لنا الغالي والنفيس في سبيل تحرير ارضنا وفي سبيل رفع شأن شيعة ال محمد في لبنان ( ومتل ما قال المثل ... العشرة ما بتهون الا على اولاد الحرام ) وانت ما بعرف شو طالعلك من سوريا حتى بتضل تهاجمها عاملي حالك انو بتعرف البيضة مين باضها بس خليني الك الحقيقة يلي راح تصدمك ... نحنا الشيعة بلبنان 97 % مع قادتنا في السراء والضراء ومع سوريا ومع الاحرار والمقاومين .... وفي 3 % ما بعرف يمكن انتا منهم متل جماعة محمد حسن الامين يلي عاملين حالهم ممثلين للشيعة ...

اللهم صلي على محمد وال محمد وعجل فرجهم

يا اخ ميلاد بدون مقدمات

ليش بدو يكون في بلنان صيف وشتاء تحت سقف واحد؟
ليش بدها ضلها الضاحية الجنوبية وكر للعصابات وللمخالفات؟
لييش بدن يضلوا حزب الله ومعهن حركة أمل يخلقوا الحجج تيضل معهم سلاح؟
شو يعني ابتلاعك؟ مرة بتقول نحن الكثرية ومرة بتقول نحنا أكبر طايق\فة ومرة بتقول دمنا حامي ودمهن بارد

لأيمتى بدكن ضلكن هيك مع السوريين؟
يا عمي الجماعة استغلوكن للماكسيموم واستفدتوا منهن إنتو بطرق ملتوية للماكسيموم

وبالنسبة لسوريا طالما هيي ضد لبنان وما في سفارات وحدود دولية بيننا وبينهن طالما رح ضلتني ضدها

طالما رح ضلها تنفذ مؤامراتها على لبنان رح ضلني ضدها

يخلصونا بقى

لبنان للبناننين واللي بدو يجي منهن بدو يحترم حالو ويعيش متل ما اللبناني بيروح بيعيش بأوروبا

سياسة أرض محروقة خبط بيهيدا وجيب هيدا وزير اقتول بهيدا وفجر بهيديك...

أنا بدي أعرف شغلة الرئيس بري قال انتخابات الجنوب استفتاء على المقاومة
45 بالمئة من أهل الجنوب انتخبوا
يعني فشل الإستفتاء

ليش بدنا نضل نكابر؟

أيمتى بدنا نحنا الشيعة نحترم حالنا ونبين إنا مع الدولة ومش مع دولة تانية ضد دولتنا؟

ليش دايما الجيش اللبناني مكسر عصا عند حزب الله؟
ليش دايما الحكومة اللبنانية مكسر عصا عند حزب الله؟

ولا مفكرين إنو الدولة هي رئاسة مجلس النواب وسلاح حزب الله؟

مين المسؤول عن عدم إنماء الجنوب والتضخم السكاني في بيروت؟ حزب الله وحركة أمل أم الدولة اللبنانية؟

إنت راضي إنو أكثر من 60 بالمئة من سكان بيعيشوا على 6 بالمئة من مساحة لبنان؟

ليش ما عملتوا انماء بالجنوب والبقاع؟

ولا أرض الجنوب هي فقط للأرجيلة يوم سبت وأحد أو للمقاومة على ذوق السوري والإيراني؟

ليش البلوكات التقسيمية والطائفية في مناطق لا نفوذ لكم فيها إلا بقوة القهر والسلاح؟

نائب واحد ما فيكم تطيلع ببيروت أو بعبدا بدون موافقة الدرزي والمسيحي والسني؟

ما انتو متلكن متل الحركات اليسارية، إذا صار في عدالة اجتماعية وتكافؤ فرص بينتفي سبب وجود اليسارية

واتنتو متلكن متل اسرائيل عايشين على تعبئة وتحريض وعدو ورح يهجموا علينا وتكليف شرعي بتحبوا الحرب لأنو السلم بيبين حجمكم الحقيقي

متلكن متل نادي النجمة
إدارة سنية وجمهور شيعي

كتلة تناقضات وعدم انسجام مع النفس إلا مع البعثي والإيراني

أنا بدي أعرف شغلة الرئيس بري قال انتخابات الجنوب استفتاء على المقاومة
45 بالمئة من أهل الجنوب انتخبوا
يعني فشل الإستفتاء

اول شي يا حبيبي اهل الجنوب 99 ,99 % مع المقاومة ومع خيارها ولمعلوماتك الانتخابات كانت اكثر من 60 % يا ترنتنتا


ولو انتا في الاساس من الجنوب وابن الجنوب كنت بتعرف هل احساس بس للاسف الظاهر انتا صرت من جماعة زي ما هيي



وعم تتكلم مثلهم

ليش ما عملتوا انماء بالجنوب والبقاع؟

ولا أرض الجنوب هي فقط للأرجيلة يوم سبت وأحد أو للمقاومة على ذوق السوري والإيراني؟

ومين قلك ما في انماء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شو اشبك يا عمي بلشت تخرف

واتنتو متلكن متل اسرائيل عايشين على تعبئة وتحريض وعدو ورح يهجموا علينا وتكليف شرعي بتحبوا الحرب لأنو السلم بيبين حجمكم الحقيقي

متلكن متل نادي النجمة
إدارة سنية وجمهور شيعي

كتلة تناقضات وعدم انسجام مع النفس إلا مع البعثي والإيراني

الله يسامحك

غير صحيح عزيزي
45 بالمئة من ناخبي الجنوب انتخبوا فقط
يعني استفتاؤكم فشل
ولا داعي للترقيع
أما زي ما هيي فهي تقال لحليفكم حزب الله (تكليف شرعي) وحليفكم سعد الحريري (تحالف رباعي)

ومش كل واحد شيعي ضد حزب الله وحركة أمل صار عميل أو من جماعة زي ما هيي

يا ميلاد حرام عليكم تقولوا أن الشيعة إما بعثية سورية مجرمة أو أعاجم مبتدعون

هذه الأفكار الدخيلة على المجتمع اللبناني والشيعي تحديدا ستسقط ولو بعد حين

حالكم مثل حال اليد الإصطناعية التي لا يستطيع الجسم التأقلم معها...

كيف يكون إنماء وشعب حزب الله وأمل متواجد في منطقة ليست منطقته ولا يستطيع أن يفرض فيها شيئا إلا بالقوة والسلاح والتشبيح؟ ووقت الإنتخابات النيابية تتذللون للدرزي والمسيحي والنسي في بيروت وضواحيها؟

كيف يكون إنماء في الجنوب وأنتم تسكنون وتعملون وتدرسون وتاكلون وتخرجون وتكزدرون خارج الجنوب؟

يعني كيف يكون بالجنوب انماء وأنتم لا تزورونه إلا عندما يموت ختيار أو يوم أحد أو غير ذلك؟

إن أكبر فشل لكم ولحزب الله أنكم ساهمتم بالتقسيم الطائفي بعد الطائف وابتزيتم غيركم بحجة المقاومة والجنوب وفي النهاية لا إنماء حصل ولا بلوط...

لا بد أنك لم تفهم معنى تشبيهي لكم بجمهور النجمة...ولا بإسرائيل
فالعتب على قد النظر...

عليكم أن تعيدوا النظر في شطحاتكم الإعتقادية والسياسية والعسكرية وتقرأوا شوية تربية مدنية ووتعلموا معنى المواطنية

المهم يا ميلاد أن تتقبل وجود رأي آخر ضمن طائفتك لا يملك وسيلة إعلامية يحرض فيها الشيعة ولا سلاحا يبتز به باقي المجموعات اللبنانية

السلام عليكم و رحمة الله

أخي الكريم حسين حفظك الله و رعاك


مجرد مقارنة السوريين بالاسرائيليين و اعتبارهم بنفس الدرجة بالنسبة للبنان هو مصيبة و كارثة
أنا شخصيا هالكلام بالنسبة إلي مذهل بمعنى الكلمة ... بعرف ما قصدك عالشعب السوري .. و أنك تقصد القيادة

أخي الأخطاء و المصائب اللي عملوها السوريين بلبنان ليست أخطاء قيادة .. يعني لم يكن المرحوم حافظ الأسد يأمر بالسرقة بلبنان أو بالتهريب و نفس الشي الرئيس بشار ... أخطاء الضباط السوريين الفاسدين بلبنان أخطاء أشخاص

هالضباط الفاسدين كان تحت ايدهم قوة استغلوها لتحقيق مصالح شخصية

و الشي المضحك لحد الاغماء هو انو اللي عم يحكي عن هالضباط الفاسدين هم أنفسهم اللي اتعاملو معهم و حققوا مبالغ خيالية من وراهم من خلال السرقة و الاستغلال و غيرها ... و أولهم جنبلاط
و طبعا كان في ضباط سوريين فاسدين من دون ما يتعاملو مع أي شخص لبناني كانو يسرقو و ينهبو

أخي كلنا منعرف انو الفاسدين منهم كانو اذا دخلو بيت شي واحد حتى يعتقلوه كانو يسرقو اغراض البيت ... حتى كانو يفكو التواليت و ياخدوه ( باللي فيه )!! ... كل هالأوباش هدول .. عليهم لعنة الله و الله لا يرحمهم لا دنيا و لا آخرة

بس المهم بالموضوع انو هالتصرفات تصرفات أفراد ... يعني هالسرقات وين راحت و شو الها القيادة علاقة فيها؟؟
الجواب ولا أي شي ... كل السرقات و التجاوزات كانت للمنفعة الشخصية

إذا بدنا نحكي عن خطأ الحكومة السورية بهالموضوع
فالخطأ هو أنو الحكومة السورية ما حاسبت هالضباط الفاسدين ... هيك كلام سليم مية بالمية
بس السؤال يا ترى ... هل الحكومة السورية تركت هالضباط الفاسدين بلبنان بس .. و بسورية ما في ضباط فاسدين؟؟

أخي الجيش السوري و مؤسسات الدولة عندنا بشكل عام مليانة فساد لحد التخمة
يعني الجيش السوري فيه ضباط فاسدين و ين ما كان يكون ... بسورية أو خارج سورية

هلق مكافحة الفساد ملف طويل عريض عم يشتغل عليه الرئيس بشار بقدر المستطاع ... نحنا بسورية منعرف شو يعني ضابط بالمخابرات فاسد و شو بيعمل و عندنا معاناة منهم لا توصف و لا تقارن بما حدث في لبنان ... و في منهم صار متل الاخطبوط و بألف رجل .. يعني حتى الرئيس لما بدو يحارب هيك عالم و يحاسبهم أو يقلعهم من مناصبهم لازم يحسب كتير حسابات و يحضر كتير شغلات قبل .. حتى تكون تقليعة هالضابط الفاسد ما الها تأثيرات جانبية


و شغلة استمرار الذريعة باستمرار وجود الضغوطات الأمريكية و الاحتلال الاسرئيلي

فجوابي يا أخي هو نعم ... و مو بس هيك ( مو بالسوري = مش باللبناني )
حتى لو انسحبت اسرائيل من كل الأراضي اللبنانية و حتى من كل الأراضي السورية ... فسلاح المقاومة شرعي و ضروري متل ما قانون الطوارئ بسورية شرعي و ضروري

أخي مجرد وجود شي اسمو صهاينة بفلسطين هذا بيعني انو ما في استقرار بالمنطقة
استقرار حقيقي مستحيل بوجود صهيوني واحد .. و حتى لو كان بأقصى جنوب فلسطين
ممكن استقرار نسبي

هلق هالنوع من الحكي صار يعتبر منفر و محاضرات قومية و الخ

و السبب أنو أحيانا منسمع نفس الحكي من أشخاص مشهورين بالفساد لحد القرف
و سمعنا نفس الحكي من أشخاص كانو عم يستغلو هالحكي لتحقيق أغراض شخصية

بس هالحكي هو الواقع و الحقيقة ... على أي أساس ممكن أي شخص يطمئن لاسرائيل أو لصهيوني واحد

أخي هلق خروقات اسرائيلية بسبب وجود سلاح المقاومة ... إذا انسحب السلاح شو الضامن أنو هالخروقات ما تتحول لاجتياح ... من شو خايفة اسرائيل ؟؟؟؟

الصهيوني بيخاف من اللي قلعو من لبنان أول مرة ... مو خايف من الجيش
بخاف من المستعد يعمل عملية فدائية .. مو خايف من الدبابة

الحرب عندهم ضد الجيش متل ألعاب الكومبيوتر .. بتحط إشارة الزائد عالهدف و بتكبس الزر و بعدين بتقعد بتتفرج عالانفجار
أما شو بيقدرو يعملو مع الفدائي أو مع اللي ما عندو قاعدة عسكرية معروفة أو مع اللي بيتنقل و بغير موقعو خلال دقائق

غير هيك ما بتتحارب اسرائيل ... يعني انت عم تقول انو رد الجيش اللبناني بكون ضمن حدود معينة متل حزب الله

هي على فرض اسرائيل ما بدها تعمل شي غير خروق ... و المسكينة اسرائيل ما بدها شي غير تتسلى بشوية خروق و تلعب طياراتهم بالجو ... أخي كأنو نست العالم مين اسرائيل ... و كأنو نست العالم مخطط أميركا و الشرق الأوسط الكبير اللي هدفو يصيرو الصهاينة كيان مهيمن بالمنطقة

أخي دور المقاومة بالتحرير و الدفاع و الحماية و كل شي مهدد
و بناء ع كلامك أخي حسين ... حتى الجيش بأي دولة ما إلو لزوم إذا ما في احتلال
وجود وسيلة الرد و الدفاع المخيفة للطرف التاني هو بحد ذاته رادع
اللي بخوف اسرائيل هو المقاومة
اسرائيل انسحبت بسبب ضربات المقاومة

سلاح المقاومة ليس مشكلة في لبنان بأي شكل من الأشكال لولا وجود السياسيين الخونة و العملاء
تصريحات هالسياسيين و كلامهم و تخويفهم للشعب من السلاح هو المشكلة
مين من الشعب اللبناني خايف من رجال حزب الله؟؟؟؟؟
مقاومة بحياتها ما توجه سلاحها غير عالعدو الصهيوني ... و ين المشكلة؟؟؟
و شو بتتعارض مع إنماء البلد .. و التطور و التقدم
حماعة عم تقول نحنا مستعدين ندافع و نحنا قلعنا الاسرائيلي ... أخي تلتفت باقي العالم على شغلها
شو مشكلتهم مع ناس دافعو عنهم ؟؟؟

بس اللي ما عم يترك البلد بخير هم السياسيين اللي عم تجيهن التعليمات من أميركا و فرنسا و بريطانيا
و اللي ربهم بوش و ربتهم رايس و ملائكتهم السفراء الأجانب بلبنان

و منشان الدعم السوري للجيش اللبناني ... أخي أنا رح أحكي حسب اللي بعرفو و متل ما بقولو ع المكشوف

القيادة السورية غير مستعدة تمول جهة ممكن تنقلب عليها ... يعني غير مستعدة تمول جهة ممكن يتحكم فيها عدو لسوريا ...أو شخص ممكن يؤذي سوريا ... أو شخص ممكن يستخدم قوة الجيش بطريقة مسيئة لقضية الصراع ... متل محاربة المقاومة مثلا .....
الجيش اللبناني تابع لرئيس الجمهورية و الحكومة و الخ
و بتاريخ لبنان كتير عالم عميلة لاسرائيل استلمت الحكومة ... يعني استلمت الجيش
فعلى أي أساس بدها الحكومة السورية تقوي الجيش اللبناني و هي غير ضامنة لتوجهاتو

بينما حزب الله و باقي المقاومات المعادية لاسرائيل عقائديا و فكريا و جماهيريا و اللي مستحيل تتغير اتجاهاتها ... فهدول اللي لازم يندعموا ماديا و معنويا و بكل شي

طيب ليش سوريا ما دعمت جنبلاط عالرغم من أنو كان حليف قوي بفترة من الفترات؟؟؟؟؟
غير لأنو عقلو جوزتين بخرج ... لأنو غير مضمون الولاء للقضية و غير مضمون العداء لاسرائيل
و البرهان الأكبر وضعو هلق و تصريحاتو ... قال جنبلاط بعضمة لسانو .. اسرائيل ليست عدو و سوريا هي العدو !!!!!!!!! كيف ممكن ينفهم هالكلام و يتفسر غير عمالة
فهمنا بيكره سوريا .... بس اسرائيل غير عدو ... كيف هي صارت لو ما كان عميل؟؟؟؟؟

أخي تطور لبنان و تقدمو العقبة فيه ليست سلاح المقاومة بحد ذاته ... العقبة هي وجود من يطالب بنزع سلاح المقاومة ... هالمسؤولين يتركو سلاح المقاومة و يكافحو الفساد و الرشوة و يعملو مشاريع اقتصادية
شو علاقة سلاح المقاومة بهالحكي؟؟؟؟؟
اللي عم يخلي تطور لبنان يكون رهينة الظروف ... هم السياسيين المتبعين لتعليمات أميركا و فرنسا
تاركين كل شي عليهم شغل و تصليح و محاربة فساد ... و لاحقين سلاح المقاومة
و منشان يزينوا صورتهم و يرقعوها ... كل ما صار شي بقولو سوريا و سوريا
حتى يغطو ع تقصيرهم

الجيش السوري عدم رده على الاعتداء الاسرائيلي ... مو موضوع امتهان كرامة
أخي في معايير أكبر من هيك و شغلات عملية بتتاخد بعين الاعتبار
الاستفزاز ممكن يكون الهدف منو الجر إلى حرب ... حرب خاسرة ضمن المعطيات الحالية
و مين قال أنو في بسوريا أساسا سلاح قادر يصد الطيران الاسرائيلي المتطور
أحدث الاختراعات العسكرية بتوصل لاسرائيل أول بأول
و إذا سوريا اشترت صواريخ اسكندر ما بعرف قديش من روسيا ... يتقوم الدنيا عليها و ما عاد تقعد

و ختاما أخي العزيز ... لو ما كان عندو حزب الله غير شرف المقاومة ... فله الف تحية من كل شريف و مقاوم على امتداد العالم
و حذاء كل شريف و مقاوم لبناني مع حذاء كل شريف و مقاوم سوري ... كل هالأحذية مجتمعة فلتدوس
رقبة كل فاسد و عميل و خائن ابتداء من سوريا

أجمل تحية للأخوة الأعزاء أنصار المقاومة ... الشعب السوري بأغلبيته الساحقة يرفع رأسه عاليا و يفتخر بكل صدق بمجرد أن يقول مقاوم من لبنان أنه مع سوريا و مواقفها ... و تحية إجلال و إكبار لقادة المقاومة ... و بإذن الله تنحل المشاكل العالقة و تتوضح الصورة الحقيقية ... و يعلم الجميع الحجم الحقيقي للخونة و العملاء ... و يفضحون على الساحة اللبنانية و العربية و الدولية ... و لا يعود أحد ينغش بكلامهم و تصريحاتهم
التي ينطبق عليها في كثير من الأحيان قول أمير المؤمنين عليه السلام ( كلمة حق يراد بها باطل )

و بالمناسبة كنت من فترة شي شهر و نص كنت بالشام و حضرت محاضرة لدكتور بالقانون الدولي كان عم يحكي فيها عن التحقيق الدولي و بعض الظروف المحيطة و هالشغلات ... أثناء اللقاء قام شب لبناني حتى يسأل ... و لما عرّف عن نفسو قال أنو من حزب الله ..... و هون علق التصفيق و الصفير و الهتافات أكتر من ربع ساعة بنص المحاضرة .. و حتى قامت بعض العالم من مقاعدها و صارت عالم تانية تحمّلو للشب سلمات و تحيات للسيد حسن ... حتى صرنا نقلهم خلو الزلمي يحكي .. خطر ببالي كيف لو كان السيد حسن هو اللي بدو يلقي محاضرة ... من دون مبالغة بيجتمعلو ثلاثة مليون على أقل أقل تقدير
و من كم سنة كان في محاضرة للسيد حسن بمدرج بجامعة دمشق ... و انتشر خبر حضور السيد حسن عالشام و المحاضرة اللي بدو يلقيها .. سمعنا بالخبر بنفس اليوم بالنهار ... أنا و رفاقي استأجرنا ميكرو باص و سافرنا ثلات ساعات حتى وصلنا عالشام ... و من لما وصلنا توقعنا أنو ما في أمل نحضر المحاضرة .. لأنو كان الطريق تقريبا مسكر من قبل شي 500 متر من الجامعة بالسيارات ... و لما نزلنا مشي كانت الجامعة مليانة رجال و نساء و صغار و فيهم اللابس رسمي و الضابط و الختيار و من كل الطوائف ... و الرجال بيقدر يوصل جنب مبنى المدرج بسبب الزحمة ... و للأسف الشديد بعد نطرة أربع ساعات ألغو المحاضرة و اعتذرو منا بسبب أنو الوضع الأمني ما عاد ينضبط و خرج عن السيطرة... فرجعنا خائبين متل ما بقولو .. كنا نتمنى أن نتشرف بلقاء السيد حسن نصر الله .. و إن شاء الله تتحسن الأحوال و نحضر لقاءات حتى نشبع

خطابات السيد حسن بسورية شغلة عجيبة ... يعني مثلا يوم اللي بكون معروف انو السيد رح يلقي كلمة
بتصير العالم كلها تمشي أمورها على أساس موعد الكلمة ... يعني متل خطابات رئيسنا


و السلام عليكم ورحمة الله

اهاااااااااااااااا


هلاء عرفت يا حسون انتا ليش معصب وزعلان

زعلان لان برج البراجنة لم تعد براجنة وانها الان مستعمرة لاهل الجنوب والبقاع ؟؟!!!!!!!

طيب ما احكي يا زلمة

يعني انتا متعص مناطقياً وعندك قومية براجنية يا حسون ؟؟؟؟؟


بسيطة يا رجل

على فكرة ان راح اخد بيت في منطقتي القديمة وراح ارجع على حي اللجاء في بيروت ....




اسمع

لم يعد لك عذر

رد على رسالتي السابقة وبعتلي الرقم يا زلمة الي زمان ما شفتك اشتقنا لوجهكم النيير والطاهر

حبيبي يا حسون الغالي ...

اللهم صل عل محمد وآل محمد
السلام عليكم أخ ميلاد
أقول لك


تقول لي

زعلان لان برج البراجنة لم تعد براجنة وانها الان مستعمرة لاهل الجنوب والبقاع ؟؟!!!!!!!
طيب ما احكي يا زلمة
يعني انتا متعص مناطقياً وعندك قومية براجنية يا حسون ؟؟؟؟؟

هيدا اللي فهمته أنت؟
على كل حال العتب على قد النظر...

وبالنسبة لإشتياقك لي عزيزي فلا تخف
فأنا لم أتعرف عليك حتى أقاطعك للخلاف السياسي الدائم بيننا
فأنا كنت أخالفك الرأي في السياسة أنت وحزب الله قبل أن أتعرف عليك!
على أية حال سأزورك قريبا جدا في مكان عملك
وكما قلت لك عليك أن تتقبل أن يكون هناك شيعي غير راض في المبدأ على سلوكيات حركة أمل وحزب الله... التي لا شيء فيها يشرف التشيع!
//////////////////////////////////////////////////////////////////////////
الأخ السوري يونس
السلام عليكم
وظيفة أي جيش في العالم هي الدفاع عن دولته ضد أي عدوان من صفة حرب أو استفزاز عسكري خارجي طالما أن أرضه محررة

وطبيعي أن تكون المقاومة مؤازرة لأهداف الجيش اللبناني في حالة واحدة فقط وهي التحرير ضد الإحتلال

تطور أسلحة عند حزب الله أو عدم تطورها لا ينفي هذا المبدأ ولا يغايره

عدم رد الجيش السوري على الإستفزاز الإسرائيلي بشكل فعال لا يغير المبدأ ولا ينفيه

أنا لم أقل أن العربدة التي قام بها السوريون في لبنان هي كلها بأمر بشار الأسد أو حتى لم أتهم بشار الأسد بأي أمر محدد من هذه العربدة

كلنا نعرف أن المخابرات السورية هي السبب

ولكن الرئيس بشار يضع المسألة كلها بسبب تيار المستقبل
نسي الغازي كنعان وحليم خدام ونسي رستم وباقي الزمر اللعينة التي شوهت اسم سوريا في لبنان قبل أن يقوم بتيار المستقبل بهذه الأمور

لا أعرف فأنا هكذا أفهم الأمور

والسيد حسن نصر الله له كاريسما هائلة وشهد له جميع خصومه بتأثير هالته على ضيوفه ولكننا مأمورون بطاعة الحق ولا أرى الحق متجسد فيه هذه الأيام إلا في أمر المقاومة لتحرير شبعا التي تكفي لإعطائه الشرف العظيم كما تقول أنت وأقول أنا وحتى التصفيق ولكن لا تعطيه العصمة

السلام عليكم أخ حسين

أخي كلامي عن الجيش واضح ... قصدت ببساطة

أن وجود ما يخيف الصهيوني هو ما يردعه
إن كان الجيش اللبناني يخيف الصهيوني فهو يردعه
و إن كان سلاح المقاومة يخيف الصهيوني فهو يردعه

لا الجيش اللبناني و لا الجيش السوري و لا قدهم عشرين مرة تخيف اسرائيل
حرب مواجهة بجيش لجيش خاسرة مع اسرائيل الممتلكة لأحدث الأسلحة و المدعومة من أقوى دول العالم

و فساد المخابرات و الجيش السوري في لبنان ... فلا أعلم مدى صحة كلامك!!!
لم أسمع أبدا أن الرئيس الأسد ينسب الفساد الذي حصل في لبنان إلى تيار المستقبل أو أي شيء من هذا القبيل أو أنه برئ الضباط السوريين الفاسدين
بل أذكر أن الرئيس بشار تكلم عن الأخطاء في لبنان

و فيما يتعلق بالكاريزما ... شيء أكيد أن السيد حسن له حضور قوي جدا و مؤثر و كلامه جذاب
و لكن الأساس على ما أعتقد هو موقف و انتماء السيد حسن و الأرضية التي يبني عليها كلامه و خلفيته الأخلاقية و العقائدية .. هذا هو الأساس ... فمن كان على حق و يدافع عن حق و عنده منطق سليم
لا بد أن يكون حضوره قوي
فكيف بمن أخلاقه محمدية و لسانه علوي أيضا

أما الكاريزما من أنواع أخرى ... فيقال أن الداعية عمرو خالد له كاريزما هائلة و تأثير على الحضور و الخ
أنا شخصيا جلست مرة أمام التلفزيون لأتابع كلامه .. فنمت بعد خمس دقائق .. نمت بعمق بشديد ... شديد جدا ... و لم أستيقظ إلا في صباح اليوم التالي على صوت أفلام الكرتون ... فسبحان الله .. لله في خلقه شؤون

قادتي أمير المؤمنين و الائمة عليهم السلام ..

اللهم عجل فرج ولينا و إمامنا الحجة ابن الحسن ..

السلام عليكم
السلام على القائد الغمام المغيب السيد موسى الصدر
وعلى الاخ الحاج نبيه برى
الذي لولاه لكان لبنان الان محطه للصراع وللحروب
والفتن الداخليه والحروب الأهليه
لوا نبيه بري وسياسته لما كان تحالف بين
حركة أمل وحزب الله
واصلا لعلم الجميع ان حزب الله هم فرقه إنشقة عن حركة أمل
بعد تغيب السيد موسى وذلك بتغطيه إيرانيه بعد ان رفضة
حركة امل ان يأخذ قرارها الإيراني
بعد أن كانت حركة أمل الحليف الأول لإيران
وكانت إيران الداعمه لأمل
ولكن الإنقلاب السري الذي حصل في إيران
جعل حركة امل ترفض هذا الحكم
وليعلم الجميع أن الأخ الرئيس نبيه بري
هو صمام الأمان للبنان وليحتفظ كل واحد بما لديه
لأن التاريخ واضح وضوح الشمس
ولكن أصبح هناك من يضع نظارات تحجب
الرؤيه تماما
غفر الله لكم ولي