السلام عليكم ورحمة الله وبركاته
أبي رايكم بالشعر
رَاح أحْجِي وَ اكًولِ اليومْ سِرْ جْبيرْ
ومُو مِنْ طَبعِي نَشر الخَبَرْ و اسْرَارَه
لـــكِنْ لإنْ السِر يٌخِصْ حسيـــنْ
صٌبَحْ لَزْمَنْ عَلية نَشْره الثِلَةَ اَنصَاره
و مِنْ حَقِ المٌحبْ إليعشِكًه لِحسيـــنْ
و مِنْ يِنْجَابْ طَارِيَّه دمُوعَه تِغَركِ العِينْ
و مِنْ حَقِ المُحبْ إللي بنُصِ مْصِيبِته و بَلوَاه
مِنْ يبْجي..........
يِبْجي عْـلَّى كًِطيعْ الرَاسْ وِ الجَفَينْ
مِنْ حَقَه يُعرُفْ زِينْ هَذا السِرْ و نْكًُرلَه بِيه العِينْ......
مِنُو مِنكُمْ مَا يُعرُفْ فِعِلْ الِغرَابْ!!!
و قُصَة سَفينة نُوحْ
و الاوتَادْ و بَحرْ مُوسى
و عِجلِ المِنْ ذَهَبْ و اللِي انْصِلبَوْا بأصْلابْ!!!!
و العَابِدَه بِالمِحرَابْ
و قُصَة عِيسى رُوح الله
البْلا أُبُوَّه انْجَابْ!!!!!
و أصْنام أبُو ابرَاهِيمْ
و كَبْشِ النَبِي اسْمَاعِيلْ
إللِي مْنِّ السَماءْ انْسَابْ!!!!!!!
و كُلْ شُهُبْ طَاحِ مْنِِ السِمَا
و ابْليسْ بِيه انْصَابْ
و البِيرْ و قَميصْ اَجْمَل نَبي يُوسِفْ
و يَا نَبي ابَطْنِ الحُوتْ غَابْ
و السِبَّه وِ الأسْبَابْ!!!!!!!!
و بِسْمَارْ اِلِذْيِ بِالبَابْ
و مِنْهُو التِحَدَّى و دِفَعَه
و مِنهُو إللي بِيهِ انْصَابْ!!!!!!!
كُلْ هَذا و بَعَدْ يَا أَحْبَابْ
رَاحْ يِنْطُِقْ بيُومِ الحَشِرْ
يِنْطِقْ يِكًُولْ مِنْهُو انْظِلمْ
و مِنْهُو الغِدَرْ مِنْهُو الظِلَمْ
و ينفِتِحْ بيهَا كْتَابْ
كِلْ وَرْقه بِيه......
يُومٍ مِنْ اَيَامْ الدَهَرْ
تِشهَدْ عَلى كِلمَنْ بْوَجِه ابيَضْ حِضرْ
و كِلمَنْ خِنسْ لا حِس إله و لا لَهْ خَبَرْ
تِنتَظرَه نَارٍ فِي جَحيمِ فِي سَقرْ..............
و يَا عَاشِكًينْ حسيـــنْ......
يَا كِلمَنْ وِفَّه و كِلمَنْ صُبَرْ
و اليُومْ الحَشِرْ هَذا انتِظرْ
رَاحْ يِشهَدْ بْيومِ الحَشِرْ إلكُمْ نَهَرْ......
مَنبَعه مِن دَمْعِ الرَسُولْ......
عَلَى إللي بَاسَّه و قَبَله بنَحْره و نِظرْ
و كُلْ دَمِعْ هَلْ عَلْ مُجتَبَى
و شْلونْ بِالسَمِّ إنغِدَرْ
و يَا فَاطِمة دَمعِجْ صِفَه
بْهَذا النَهَرْ مِسْكِ و عِطِرْ
و دَمْعَاتْ زْينَبْ رَّوِتَه
و اُمِ البَنينِ الطَاهِرَّه
اُمِ الِليوثِ الثائِره
و عَباسْ ابُو وَجْهِ الكًُمَرْ
و دَمعَاتْ اَمِيرْ المُؤمِنِينْ
اتِصْلَتِ بدَمعَاتِ الحْسيــنْ
لَمَنْ عَلى الخِيمَه نِظَرْ
صُوبِ الأهَلْ و بدَمعَه حُرَه نَاطِقه
كًلبِ الرَسُولِ إلهَه انفُطَرْ........
و دَمعَة رُقيَة القبَلَتْ رَاسْ الإمَامْ
و طِيرْ طَارَتْ لِلجِنَانْ
و كُلْ دَمِعْ هَــلَّتْ شِيعِته
لِيمَنْ يِكًومِ المُنتَظرْ
آه يَانَــــهرْ..............
شِحضَنِتْ مِنْ ضِيمْ و قَهَرْ
آه يَانـــــَهرْ.............
بَسَكْ ألَمْ و بَسَكْ صَبُرْ
اليُومْ أخُذ حَقِ النِطَرْ
و اليُومْ ارْوِي شِيعَةِ الحَسنيــنْ
يَا أعْذَبْ نَهَرْ
و أبْدِي بعَطاشَى كَربَلا
و سَاقِيهَا عَبَاسْ الكُمَرْ...........
و يَا عَاشِكينْ حسيـــنْ
يَا كِلمَنْ وِفَّه و كِلمَنْ صُبَرْ
و اليُومْ الحَشِرْ هَذا انتِظرْ
رَاحْ يِشهَدْ بْيومِ الحَشِرْ إلكُمْ وَطنْ
إسْمَّه العــــــِرَاقْ........
إسْمَه أبُو الشارَاتْ أبُو الخَيْراتْ
و بنَفسِ الوَقِتْ هَمْ أبُو المِحَنْ
رَاحْ يِِشْهَدْ بيُومِ الحَشِرْ
عَلى كُلْ وَاحِدْ بكًاعَه اندِفَنْ
بْلا سِبَّه .... بَسْ بَأغلَى ثمَنْ........!!!!!!
حُبِّ الحْسيــنْ و آلَه وَيْ حُبِّ الحَسَنْ...........!!!

هذا الشعر منقول

تحياتي لكم