السلام عليكم
اخوتي عظم الله اجورنا واجوركم باربعينية الامام الحسين عليه السلام
{زينب تخبر السجاد}
زينــب تخبر السـجاد الطــف كربله وديــني
تـﮔـله يبـن أخوي حسين اعلـه كـبر حسين دليني
***
يعمه وين كـبر حســين لأبن أمــي دوديــني
أريد ابـجـي بدمع من دم وفّيـض أنهار من عيـني
واكـله أشفت بخلافك يوم العده أميســريـــــــني
وأخبــره باليســر حالــي
بــس الحــزن يبرالـــــي
ونـــي وجـــرح دلالـــــي
مابطّل يخويــه عليــك من حركـو صيـــواويـــني
***
يعمــه ويـن طمّـــيته يعمـه الـكـبر كـلي ويــن
أخــذني ويــاك يا ســجاد لأبن أمــي ينــور العيـن
تـكـله والـدمـع همــال وديــني لخويــه حســـين
أريــد أوصـل لعــد كـبره
يعمــه أمشــينه أنخـــبره
بيــوم الـوكـع عالغبــــره
ســـلّـب الـــخـدر يبن أمي وضــرب الســوط بمتــونـي
***
أخذ زينب علي الســـجاد لـكـبر حســين وداهــه
يـكـلهه جـثته هنانه يخت حسين مـــــــــثواهه
يـﮔـلهه ابـجـي بدمــع لا صـوت يعمـه بهيـده وصاهه
أبـجـي ولا تسمـــعينه
صوتـج من تعليـــــنه
أخــافنـج تلـجـمينه
يعمــه وأرحمــي بحــــالي تـــأذيــه وتــأذيــــــني
***
تـكـله أشلـــون يا مظلـــــوم أبـجـي واحبس العبـــره
وكـلبي مـثل جســم حســين يعمـــه بيـه ألف طبــــــره
خـل أبـجـي الـﮔـلب مــالــوم اليـفـكـد كـلي شيصبـــره
خـل ابـجـي وِأســمعنــه
صــوتي وأنحــب بــونــه
بلـجـن ينتبــــه لنـــــــه
يسمـــع أختــه شتســــولف يـكـعدلي ويحاجـــيــني
***
دلاهه وتعنــــــت ليــه تشكيـــله علـــه حالتهه
لّمــن باليســـر راحـــت كـامـــت تهــل دمعتهه
لخــوهه رادت أتخبــره عله عيالــه ومصيبــــتهه
تـكـله الحــرم والأطفــال
خلافــك ظلوا بيا حــــال
تحـجـي والدمـــع همـال
كلهــم وي علي السجــــاد وياهــم أمـكـيديني
***
يخـــويــه الأشــد من هذا يــوم أوصلت لأرض الشام
فرجــه للـخلـك صـــرنـه تنــظــر حالة الأيتـــام
كل راس أبــرمـح مشـــيول وخويه راسك الجدام
فــرحانه الـخـلـك ﭼـن عـيــد
تتفــرج علينـــه أتــــريــد
وأخــذونه لعنــد أيزيــــد
بديوانــه أوكـفت لاﭼـن ما واحــد يحاميــــني
***
كـامت من أخوهه حسين وتعنت يم كـبر عباس
تشهـك عالـكـبر وتصيــح كـوم النه يبــو النوماس
كـوم وعايــن ظعونك حدّت بيهه يخويــه الناس
كـوم وعايــن البيــنــه
وشاهـد حالة أسكينــه
تخبــرك بالجـره عليــنه
عـكـبك يا ضــوه العينــــين بحبــل العـده أمـكـيديني
***
زينــب برهنــت للكـون يــوم الـفـكـدت أخــوتــه
من عــدهـه الصــبر ينـــقاس من حملت مصيبتــهه
رغـم اليســر رغـم الظيــم مهتّـــزت أرادتهـــــــه
بقــوة صبــر وبأيمـــــان
وكـفت وكـفت الشعجـان
خطــت للصبـــر عنـــوان
كـالت يقتــدي أبدربــي الــرايــد يوا فيـــــــــــني
********